التجمع التاسع لحوامل🤰🏻نوفمبر (١١)💜 و ديسمبر (١٢)💜 لعاآام (2020)

ونقول مساء مساء على الناس الكويسه 🌚
وش اخباركم يابنات اليوم بشرونا عنكم 🌹
وينكم عاد تراي زينت قهوه المغرب وحلا بالثلاجه والتمر جاهز
وفليت الفرشه نبي اخباركن وعلومكن بس عاد اصبرن لي بسوي لي شغله سعنونه واجيكم🏃🏻‍♀️

مساء الخير
انا اليوم تعبت نفسي واشتغلت ونظفت ورحع ينزل مني دم
ومع لخبطه النوم بعد رمضان حتى المثبتات مضيعه اوقاتها وماخذها بانتظام
انا ادخل المنتدى بس مرات مادري ماعرف شقول واطلع
انا من كثر ماتقولون حركه قمت اوسوس ومرات اقول تو الناس توني بدايه الاسبوع 14

ياقلبي انتي حاولي ماترهقين نفسك والشغل لاحقه عليه قسمي كل يوم شوي لين ماتخلصين
والحركة ياقلبي انا اللحين بدخل ان شاءالله الاسبوع ١٨ ولافيه حركة الا مرتين حسيت به بس وسالت الدكتورة تقول طبيعي اللي توضح مره بالشهر السادس يعني لاتقلقين وتطمني ياعيني
والمثبتات حطي منبه علشان ماتنسين احسن شيء

وش جديدكم بديتوا تجهزون ياللي عرفتوا الجنس والا لسى ؟

يا هلا يا هلا بأقدع ناس

لا تنسين جهزي معها مويه مع كادي معدتي ما تتحمل القهوة 🤣🤣

يا ربي اشتقت للفرشة و الجلسة عليها و اتفرج على الرايح و الجاي

أخباري الحمدلله بخير و نعمه من بكره بأبدا أنطلق فرفرة خفيفة في شوارع الرياض

و الفجر بأكون بالحوش بأسمع صوت الآذان بدون الكلمة إللي تسبب لي ضيق صلو في بيوتكم و نسمع الصلاة كاملة يا رب لا تغير علينا


و بالنسبة للتجهيز أنا ابدأ من السابع أجهز ألوان محايدة حتى لو واثقه من نوعه و الثامن أغراض الصيدلية و بالتاسع اجهز أغراض النفاس و حوستها و بعد الولادة أكمل لبس طلعة الأربعين لي و للبيبي