تجمع ال(١٥٠) 🌙المقبلات على الحقن المجهري واطفال الانابيب🌙

بنات اش اسم المستشفى الي بمصر تمدحوه

السلام عليكم ورحمة الله
كل عام وانتم بخير
انا كنت عضوة قديمة في المجموعة تقريبا قبل سنتين و دخلت واخذت من تجارب اللي قبلي و عشت مع مجموعة من البنات اتقاسمنا المعلومات و الخبرات و الافراح والاحزان


المهم اان سويت وقتها تلقيح والحمد لله نجح وجبت بنت و كنت مفكرة اني لما ادخل مرة ثانية حيكون بسبب اني حسوي تجربة تلقيح ثانية
المشكلة كانت عند زوجي لان الحيوانات المنوية عندو صفر بحكيكم االحكاية ممكن اطول عليكم بس بحاول اعطيكم الزبدة


انا اتزوجت وانا ادرس ففكرت ااجل الحمل و اتفقنا اجلنا سنتين بعدين قررت احمل وحاولنا كم شهر بس ماحصل فقلت لزوجي بدل مانحاول كذا خلينا نتطمن عشان لو في مشكلة نحلها من بدري


المهم اخذت انا موعد وحمد لله كل شي سليم لاكن موعد زوجي انصدمنا انو الحيوانات صفر كان الدكتور كب علينا موية باردة و رجعنا البيت واحنا مصدومين ايش حنسوي و من وين نبدا


الكلام دا كان قبل رمضان باسبوعين تقريبا لما بقي على رمضان اسبوع ام زوجي قررت تنزل الستاير عشان تغسلها و كلمت اولادها زوجي و اخوه يومها زوجي وهوا ينزل ستارة طاح من السلم وتقطعت ٣ اربطة للركبة والغضروف اتهتك المهم وراح المستشفى الدكتور قالو لازم تنزل وزنك لانو كان مرة وزنو زايد وحياثر على عملية الركبة


جلسنا سنة ونص سوا فيها زوجي تكميم وبعد مانزل وزنو وسار مقبول سوا عملية الركبة وطبعا اغلبها قاعد في البيت عشان ممنوع من الحركة


بعد ما تعافى من العمليات قررنا نكشف تاني و المفاجاءة في ٢ مليون حمدنا ربنا و فرحنا مرة وقلتلو يالله نسوي تلقيح وانت تتعالج بس مانضيع الوقت وسوينا التلقيح ونجح وجبت بنتي
طبعا نسيت اقولكم جمدنا عينات كثير لاكن مافيها اعداد كبيرة
زوجي بطل ياخذ علاجاتو و كمان مدخن و اكلو خبيص و انا حاطة فبالي لو ابغى احمل ثاني حسوي عملية تانية


المفاجاءة حملت كذا بقدرة رب العالمين من دون علاجات ولا دكاترة و لا حتر مفكرة اني ححمل



اللي ابغى اوصلو لكم
خلو املكم برب العالمين كبييييير
ادعو كثير لايرد القضاء الا الدعاء ادعي لنفسك وللي نفس حالتك
لاتصدقو كلام الدكاترة والله دكتورين للذكورة كان كلامهم محطم جدا ولاكن انا كنت ارفع معنويات زوجي اخر دكتور قلو زوجي انو انا سويت تلقيح وكذا وقتها انا كنت حامل وكرشي قدامي والدكتور عصب على زوجي وقلو كيف تسوي تلقيح وهذا تحليلك حتى ماسمع من زوجي انو انا حملت ما اعطاه فرصة
لاتدخلو العملية و اتتو نفسيتكم تعبانة و كونو متفائليين
واخر شي رب ضارة نافعة زوجي طاح واتكسر عشان ينحف وتتعدل فحوصاتو
وصحيح اللي زوجها عندو زيادة وزن خلي ينحف


اللي عندها اي استفسارات عن تجربة الحقن لاتستحي تسأل


والله مادخلت الا لانكم اخوات وكلنا في هم واحد

بنات الله يسعدكم عندي سوألين
اول سوأل علاج الكورتزون ال٥ جرام. نسيت اسم العلاج بس هو كرتزون. مين منكم كتبه لها الدكتور ؟ وش اعرضه الجانبيه عليك ؟ انا احس وجهي منتفخ بزياده ومدرى هو يزيد الوزن وكيف اتخلص من هاذا الانتفاخ الي عندي ؟؟
السوأل الثانى
فيه احد هنا حمل بعد العمليه وعينه الزوج كانت صفر !!! واذا. نعم. طيب وش سووو له ؟ اخذو خزعه ولا مسح مجهري ؟

الحمدلله
مستبعده السحر
كلمته يقول انا عارف انه نفسيه وماىيمنع يروح بعدين لدكتور يقول ..
بس احس ماله نيه يروح قريب .
الي الاحظه انه رجوله ويدينه تصير بارده ويبدأ قلبه يدق بسرعة .وبعدها يروح الانتصاب ممكن يرجع بعد فتره يحاول يرجعه مثل ما كان بس تحسيه بصعوبه شوي وكمان يصير وده يخلص قبل تروح الرغبه يعني يصير انزال سريع .
االصراحة حتى انا صرت اقلق انه تجيه بس ما ابين له .

ما شاء الله
سبحان ربي قادر على كل شيء .ربي يتمم لك على خير
ويرزقني طبيعي بحوله وقوته ومن يريد .