افكر اهرب..

السلام عليكم..
ادري يمكن ماتساعدوني وكلكم حتكتبوا نصايح ولاتهربي وخلك فبيتك احسن لك وسمعتك وسمعه امك وابوك بتصير سيئه بس والله تعبت انا مو متقبله حياتي لو سمحتوا الي بتكتب شي تكتب بدون هالكلام،، امي وابوي متشددين معي صحيح ربوني عدل وماقصروا بس والله متشددين احس اني مقيده ماحس بالحريه ابدًا، يعني حتى مايخلوني اطلع مع صاحباتي ابدًا وانا ماني صغيره كل الي اعرفهم يطلعون ويتونسون والله احس بضيق ماعمري جربت شعورهم، ساعات افكر انو لو هربت سمعتي وسمعة امي وابوي بتصير مره سيئه وبصير مشرده ويمكن يحصلوني وارجع بيتي واتهزأ واتعاقب عقاب شديد ، واتردد هل اهرب ولا ما اهرب بس احس مو مقتنعه بفكره الهروب كثير بس اخاف تزيد رغبتي واقتنع في الفكره واهرب وبعدها اندم لكذا ابي بديل وش هو البديل لاتقولون اصبري وبتتزوجين وبتطلعين المكان الي تبيه ولا تقولون احمدي ربك على الي انتي فيه الحمدلله على كل حال لكن انا ابي حل الحين يمنعني من اني اهرب ويخليني اعيش حريتي بدون ما اهرب لاني اذا مالقيت حل بتطرق للهروب، احيانًا افكر لما اروح بيت صاحبتي اطلع معاها بدون ما اقول لهم بس اخاف الاقيهم اذا طلعت، لكن وربي نفسي اجرب هالشعور لو مره وحده بس اني اطلع واتونس واتصور معاهم وناكل ونشرب وربي تعبت ،صاحباتي حتى السفر يسافرون مع بعض وانا ولا شي حتى المقاهي النسائيه ممنوعه علي والحل!