تجمع ال(١٥١) المقبلات على الحقن المجهري واطفال الانابيب🤗

اللي سالتني وقالت زوجها مليون ونص والدكتور قالهم ماينفع انا زوجي اعلى رقم ٢ مليون وفي عينات اقل لان جمدنا ٧ عينات بس يوم العملية اخذو فرش وقالو لو احتاجو حيحطو من المجمد بس ما استخدموه


ويبنات الترجيع انا كان بعد العملية ب ٤٨ ساعة بالزبط يومين حتى خفت يومها قلت اكيد استعجلو. الاجنة ضعيفة


حملي الطبيعي بعد تكميم زوجي ب ٣ سنوات و ماحلل زوجي من وقت ما حملت ببنتي الاولى خلاص فرحنا فيها ونسينا الفحوصات بس مازلنا ندفع للمستشفى سعر التجميد عشان لو احتجنا


يبنات قبل ماتنجح العملية او حتى تتيسر فلوسها و كل شي كان اخر رمضان قبل حملي رحنا الحرم اعتمرنا في رمضان و كنا صايمين و الحينا انا وزوجي بالدعاء ادعو بيقين واللي عندها امكانية تروح الحرم تروح وتدعي لنفسها و لباقي البنات والله نفسيتها حتتغير و ترتاح وباذن الله يرزقها

الله يرزقك عاجلا غير آجل ...
أنتي ما قد سويتي منظار للرحم عشان تتأكدين من سلامة بطانة الرحم ؟
فيه دكاترة يقولوا أحيان تكون فيه لحميات او التصاقات في مكان انغراس الجنين و ممكن تمنع حتى الحمل الطبيعي..
انا كان عندي لحمية صغيرة بس كانت واضحة بالسونار المهبلي و شلتها بالمنظار و سويت بعدها حقن و صار حمل ضعيف و نزل الهرمون .. و العملية اللي قبل المنظار فشلت و كمان بعد الحمل الضعيف فشل مرتين و الله يعوضنا و إياكم

الضروريات وقت التنشيط
1. قبل ( 3 ) شهور من عمليتك خذي فوليك اسيد عيار ( 5 ) غرام لانه لازم في جسمك اسيد قبل الحمل
2. عشان تحصلي على بويضات عالية الجوده خذي فيتامينات وكاليسيوم وبروتينات لك ولزوجك فيتامينات الزوجه : فيتامين (E) وفوليك اسيد وريال جيل . فيتامينات للزوج : فيتامين ( E ) فيتامين ( C ) وزنك وزيت اوميغا ( 3 ) ورويال جيل ملاحظه : خذوها قبل شهر من العمليه الى وقت عملية سحب البويضات .
أهم مصادر البروتينات : الحليب ,اذا كنتي تكرهي الحليب اشربي داناو او أي عصير فيه حليب وايضا البروتين تحصلينه من اللحوم الحمراء والسمك . ملاحظه : ابتعدي عن الدجاج وقت التنشيط الى ان يتم الحمل ويثبت لانه مليئ بالهرمونات الصناعيه , ولا احد يضحك عليك ويقولك كلي انتبهي جدا .
3 . نظفي رحمك من بقايا الدوره السابقه , اشربي قرفه ايام الدوره او اشربي أي شي ينظف الرحم قبل ( 3 ) شهور من العمليه , لان غالبا يكون السبب الخفي بقايا دم متحجر.
4 . مرخي بطنك لان الرحم النازل او المرفوع او في هواء مايبان في الفحوصات الطبيه . ملاحظات مهمة وقت الدوره : لاتمشي بدون شي في رجلك , لاتشربي بارد وقت الدوره , لا تاكلي ملوخيه وباميه ومنغا وقت الدوره , واهم شي لا تبردي خليكي دافئه حتى لا يتجمع الدم الفاسد في الرحم ولا ينزل كله في الدوره .
لما تجي الدوره اللي حيصير فيها التنشيط : 1) اول ( 3 ) ايام من الدوره اشربي كوب او اكثر من قرفه عيدان لتنظيف الرحم لانه بسبب ابر التنشيط ستسبب توقف الدم حتى تضمني ان الدم الفاسد كله نزل ماتجمد في الرحم 2) من اول يوم في الدوره لاخر يوم افطري بيض مقلي بزيت زيتون ورشة كمون ورشه حبه البركه لتنشيط التبويض ولتحسين نوع الاجنه . 3) من اول يوم للدوره الى يوم عملية السحب تناولي يوميا ليتر او نص ليتر عصير اناناس طازج او علب من الربيع او المراعي او ندى وكلي فاكهة الاناناس طازجه . من الضروري شرب الحليب وقت التنشيط يحسن من نوعية البويضات 4) من اول يوم للدوره الى ان يتم حملك اشربي يوميا ( 2 ) ليتر من الماء عشان تتحسن نوع الاجنه باذن الله ويحميكي من الالتهابات . 5) لاتاكلي الدجاج بالمره وخلي حماده زوجك يوقف التدخين او يخفف منه قبل شهر من سحب البويضات . 6) كلي سمك كثير زي الفيليه لاتأكلي تونه لانها مليئه بالرصاص لانها تسبب تشوه لاسمح الله . 7) امشي يوميا لمدة ساعه من ثاني يوم للدوره الى يوم عملية السحب لانه ينشط الدم اللي بيوصل للرحم وكمان عشان يكون في ترويه لبطانه الرحم يعني يلين . 8) يوم العمليه خليكي صايمه من الساعه ( 12 ) الليل عشان البنج حيسبب لك غثيان واستفراغ زي ما قلتلك . 9) لما تصحي من البنج راح تحسي بالم زي الدوره خذي ابره مسكنه وانا ان شاء الله ماراح اتركيك لوحدك راح اكون معاكي واهم شي جيبي فوط يوميه صغيره لانه حينزلك دم خفيف زي اول الدوره .هذا بسبب السحب لاتخافي . 10) كل الاكل اللي كنتي تاكليه بسبب التنشيط وقت الابر التنشيطيه وقفيه زي الاناناس والعسل والتمر لانه بعدها يسبب الاجهاض لاسمح الله 11) من يوم السحب الى يوم التحليل اشربي مويه وحليب كثير ركزي باقولك اشربي مويه لانه مره مهم مهم مهم شرب المويه . واشربي لبن كتير عشان تحافظي على البكتيريا الصالحه في عنق الرحم . 12) كلمي الدكتور يكتبلك مضاد حيوي تاخذينه بعد السحب عشان لاتصابي بجرثومه لاسمح الله من المستشفى او من هنا وهنا بس لايكثر عن خمسة ايام . اسألي الدكتور عن الاسبرين عشان الدم يمشي في الجسم وتغذي بطانة الرحم بالدم الكافي .
ملاحظه مهمه جدا : ((( استغفري كثير وصلي قيام الليل وإقرائي البقرة يوميا وتصدقي والله لها فايده اهم من اللي قلته كله ))) لولا , وقت التخدير اطلبي من الدكتور تخدير كامل ولازم تكوني مرتاحه ومرتخيه لانك لو شديتي واتوترتي حيأثر على البويضات وجودتها سمعتي ولا لا قبل عمليه الترجيع قولي هذا الدعاء :.يا مسبب الأسباب يا فاتح الأبواب يا سامع الأصوات يا مجيب الدعوات يا قاضيالحاجات ارزقني بالحمل واقضي عني حاجتي ولا تكلني لأحد سواك بعد عمليه الإرجاع : ابغاكي تاكلي خيار مقشر وخس بكثره وكلي سفرجل في ماده تساعد على ثبوت الاجنه واذا ماعندك سفرجل اشربي حليب وذوبي في ملعقة نشاء واشربيه يوميا على الريق الى يوم التحليل وقبل عملية الارجاع بنفس اليوم .
وانتبهي من الاكل اللي يسبب الاجهاض مثل : أ‌- الاناناس ب‌- قرفه ت‌- العسل ث‌- المرمريه ج‌- التمر ح‌- الزعتر خ‌- البقدونس د‌- الملوخيه ذ‌- المنبهات زي الشاي والقهوة والنسكافه ر‌- الشكولاتات ز‌- الشمر س‌- الكراويه ش‌- الكمون ص‌- الفلفل الاسود واي بهار حاااار ض‌- التدخين حتى لا تخلي احد يدخن عندك ولا تشمي أي ريحة دخااااااااااااااان ط‌- الرشاد ظ‌- الجرجير ع‌- البابايا غ‌- الخل ف‌- الزنجبيل البودره والطازج ق‌- أي اعشاب مسهله ك‌- الثوم ل‌- الحلبه م‌- الليمون ن‌- الجزر ه‌- الزعفران و‌- المره ي‌- كف مريم أ‌أ‌- البابونج ب‌ب‌- النعناع ت‌ت‌- الشيح ث‌ث‌- المسمار ج‌ج‌- اللافندار ح‌ح‌- اكليل الجبل خ‌خ‌- اوراق التين الجافه د‌د‌- البردقوش عشان هذي الاكلات الملوثه ماراح تاثر عليكي انتي تاثر على الاجنه وتسبب اجهاض الكبده ابدا لاتاكليها انتبهي من المنظفات لانها تسبب اجهاض ولاتشربي اشياء بارده جدا او حاره جدا خليها معتدله الله يرزقك بالذريه الصالحه ويهون عليكي الفترة دي ويسهلك كل صعب ويحقق حلمك وماتخلص السنه هاذي الا وانتي حامل باذن لله ..
منقول ..

ممكن تعملي تحليل رقمي ابتدا من
اليوم العاشر حسب النسب التالية:
اليوم العاشر 10 من ترجيع الاجنة: اذا كانت النسبة فوق ال15 مبروك انت حامل
اليوم الثاني عشر12 من ترجيع الاجنة: اذا كانت النسبة فوق ال20 مبروك انت حامل
اليوم الرابع عشر 14 من ترجيع الاجنة: اذا كانت النسبة فوق ال50 مبروك انت حامل
و اي تحليل رقمي قبل اليوم العاشر من الترجيع فان النسبة تكون بسبب التأئر بابرة التفجير قبل العملية..
منقول

اعراض اسبوعي الانتظار
قد تظهر او لا تظهر
الالام في البطن
غثيان وخاصة من الروائح
تعب بشكل عام
صداع
ارق
نزول نقطة او نقطتين من الدم
تحياتي ودعواتكم
منقول