تقسيم الاطفال بعد الطلاق

ياعمري ولدك واضح انه عيران ويبغى يعيش مع ابوه
يعني رغم ان ابوه مو مهتم بس يبغى يحس انه حواليه
وعنفه ع الاولاد دليل انه يكبت مشاعره
انتِ مالك الا تحددي كم يوم يروح مع ابوه يغير جو ويحس فيه
ربي يصلحه ويهديه
مانصحك ابداً تسلميه ابوه حددي زيارات لابوه له

صعب تتحملي تربية الاولاد لوحدك
الولد اكيد فاقد ابوه وهذا هو سبب تصرفاته...

انا يا اختي مطلقة بس المحكمة حكمت انه عيالي كلهم معاي
مع انه ولدي عمره فوق 7 سنوات لكن المحكمة فضلت انه ما ينفصل عن اخواته وهذا من فضل ربي
ماااا اتخيل اقدر اعيش من دون عيالي
والله اني ما رحت المحكمة الا انا ومتيقنة انه راح تحكم لصالحي

ترا طبيعي الي في عمره كذا
تحمليه تراه صغير هناك ماتدرين من يخالط
انتبهي على ولدك

يابنت الحلال مو كل شي سببه الطلاق مثل البعض ما قالو
والله عشنا بين امي وابوي الحمدلله مافي ذيك المشاكل الكبيرة الكبيرة
مشاكل مثل اي بيت لكن عندي
اخوي البكر الله يصلحه ويهديه زمان كان يتسلط علي انا واخواني الأولاد الي تحتي وبس ضرب و مشاكل ومو اي ضرب
ضرب مبرح والله تقطعت جلودنا
ما عقل الا بالجامعه

والوالدة الله يهديها دورها ما كان فعال وقوي
ولا لها كلمه مطنشة بحكم انه البكر تقول مابي اكسره عيب ؟؟؟؟ هو رجال
مدري وش مفهومها الله يسامحها بس
انواع الضرب والتحكم كنت احس بالراحه لما اروح بيت خالتي انبسط لاني ما انضرب واكره بيت اهلي
انتي قوي نفسك وخاطبي الولد مره ومرتين وثلاث بس مو بحب او دلع خاطبيه بحكمه وذكاء خاطبي عقله مو عاطفته التربية = مخاطبة العقل

واذا ضرب خليه ينضرب بمقدار الالم الي سواه
وعلميه ان المعاملة بالمثل

ولا تعطينه هدايا لان هذا مو انجاز عشان يتكافئ عليه اذا قعد هادي ولا ضرب بكرا يشبع ويطفش ويرجع لنفس الموال
هذا واجبه انه يهتم باخوانه
واجبه يحترم قوانين البيت
ولاترسلينه لابوه
وتابعي الدكتور مصطفى ابو اسعد انسان رائع بالتربيه
وشوفي محاضرات ميسرة طاهر ممتاز ..


واعطيه شوية واجبات منزليه مثلا يرمي الزبايل
ينظف سريره
يحمع ملابسه الوسخه
النت والتلفزيون وقت معين
وقت معين للعائلة
وقت معين للوجبة
لما يصير في نظام وقوانين بيعرف ان في عقاب
وبيخاف شوي شوي ..