التجمع الثاني لحوامل أحلى مواليد ينـ 1 ـاير & فبـ 2 ـراير لعام 2021 م

هذا سحبوه من الصيدليات ونزل نوع ثاني اسمه اسبرين ١٠٠
من وين اخذتيه ؟

هااااايي
من زمان عنككم
توني داخله الثالثه و بكرا اخلص اول اسبوع فيه ان شاء الله
ومتحمسه اعرف نوع الجنين
معكم بكريه م تعرف شي ب الامومه 😂😂


وبس والله الله يسهل ويعين

حلو ماشاءالله
انا مثلك الحمد لله بديت في الثالث إن شاء الله.. توني باديه تقريبا أمس أو اليوم كذا الله اعلم..
الله يتمم لنا ولك على خير 😘..
نوع الجنين ممكن الان تخمنين.
هل تشتهين الموالح أكثر أو الحالي؟
إذا تشتهين المالح ولد إذا الحالي طبعا. قالولي كذا..
وهل تحلمين احلام غريبه وجديده عليك .. أحيانا من الأحلام تعرفين النوع طبعا كله مو اكيد بس تخمينات

انا اليوم رجعت احلم وانا نايمه تكرر علي الحلم يوم اشوف اخو زوجي يناظرني ويبتسم..
اليوم حلمت باخو زوجي الثاني 🤔.. محلمه اني جالسه عند باب الدرج ومعي ملابس على المنشر جالسه اسفطها وجالسه على الدرجه انا واسفط المهم هو دخل مع الباب وشافني واستانس انه شافني ويتبوسم وانا خلاص مستحيه منه َقمت تغطيت بالملابس اللي معي عشان مايناظرني وشوي الا دخل معه صديقه ويطلعون الدرج الاثنين وانا مستحيه واقول خلاص روحوا وهم يناظروني ويبتسمون.. انا خفت وضاق صدري انهم شافوني بدون عبايه وكذا المهم والين فيه في المنشر عبايه مغسوله وخلاص نشفت قمت لبستها ويوم لبستها دخل زوجي مسكين هو اللي شافني بالعبايه وأخوه وصديق اخوه شافوني بدون شي 🤣.. المهم انا قلت الحمد لله اني لبست العبايه على دخلته عشان يحسبني لابستها من الاول.. وبعدها قمت من النوم بس مره متضايقه وحاسه بشعور الخيانه لزوجي ليش اجلس عند الدرج وانا بدون عبايه والحين اخوه شافني اكيد اني عجبته لاني احلى من زوجته ومدري وشو أفكار توديني وتجيبني.. احس أحلامي وانا حامل كوابيس استغفر الله خاصه بحملي هذا وحملي ببنتي كان كله احلام بس من نوع ثاني.. كنت احلم اني مخطوبه وأهلي بيزوجوني رجال ثاني وانا ازعل واقول لهم انا متزوجه واقوم من ضيقة الصدر كيف اهلي ما يدرون اني متزوجه كيف بيزوجوني واحد غير رجلي. وحالتي حاله.. 💔

اول شي اشتهيت ليز ملح و خل 😂😂😂
شكلك بتقولين واضحههه م يحتاج 😂😂
الاحلام معرف والله
بس اغلب الاشياء اللي اشتهيها موالح
واحس مرهه تعبت ف نص الثاني و بداية الثالث
م اشتهي الاكل حتى لم يقرصني الجوعع احس م اشتهي شي بس مضطره اكل ):