جمعت مبلغ بشتري ذهب

يمسيكم بالخير
صار لي سبع شهور اجمع بشتري ذهب لبنتي (منفصله من فتره) وبغيت افرحها
راتبي ٦٤٠٠ ريال ادخر منه ٣٠٠٠ كل شهر الحين عندي ٢١ ألف ريال
شفتوا الذهب القديم زي كرسي جابر والبناجر العريضه والمريه الطويله زي السبحه حباتها مثل الهيل وتجي بعضها لفه وبعضها لفتين طويله
حتى لما تصير مناسبة زي ليلة الحنا تلبسهم
انا ماقلت لها حبيت اشتري الذهب واخبيه ووقت المناسبة افرحها
انصحوني يابنات ماعرف إيش ابدأ فيه ... إيش الي يحبونه البنات من ذهب اول ...انا ماعرف لآني ماعندي اصلآ كنت اجمع واعدل بيت امي وادفع راتب خادمه ومصروف بيتها الشهري
لكن الحين شوي تحسنت الحالة كملت ديني وما عندي قرض خلاص فقلت اول شي الي ماقدرت بصغري البسه بشتريه لبنتي (مع ان خواتها بيزعلون لكن بالدور مايخالف هي ظرفها غير)
احسبوها معي الله يخليكم : مريه وبناجر وحلق كبير وخاتمين وأفكر بمحزم ذهب شفته من سنه بمحل ذهب قالي ب٢٥ ألف هذا بجمع له لحاله غالي شوي
وقالي عادي بالأقساط لو تدفعين كل شهر ٥٠٠٠ ونحجزه لك ... مع ان الذهب يرتفع سعره وينزل مدري كيف حسبتهم
انصحوني بنوع قطع الذهب واسعارها لو قريب منها

57 تعليق 13,480 مشاهدة

شاركي في النقاش

سجلي الدخول لإضافة تعليق.

التعليقات

56
  1. مدري ياقلبي بس اخبر البنات مايحبون الذهب الثقيل ذا ...انا مدري عن عاداتكم اذا البنات يلبسون هالذهب احنا الان حتى المتزوجات مايلبسون حزام ذهب ورشرش ووو
    يلبسون نواعم اشياء ناعمه وماركات ذهب احس هذا اللي يحبونه البنات
  2. @rymyh_41

    الله يبارك لك ويفرحك فيها ويتمم لكم على خير💖
    اخاف مايعجبها البنات ماعاد صارو يلبسو ذهب ثقيل
    ولاعاد له هيبه
  3. @aathorh_almtyry

    تذكرت علياء العبيد الله يسعدها ويشفي مريضها
    تشتري ذهب والماس وماشاء الله تقول ذهبها لبنتها بعد عمر طويل
    المهم اشتري ذهب لك والبسي ودلعي نفسك وبناتك اشتري لهم ناعم والي ثقيل بس يناسب البنات
    والله يهنيكم فيه

تابعي تجارب أخرى من هذا القسم.