🌷التجمع 61 لااحلى مواليد يوليــــــ7ــــو واغسطـــــ8ـــس لسنه2020🌷

اللي اعرفه الحامل مايناسبها الا بندول العادي القديم او الفيفادول بعد العادي

الاكسترا خطر وقوي عليها انتبهوا

انا صراحه فيفادول
احس البنادول اقوى
ماعرف 🤷🏻‍♀️

اول شي الجوع أياكم من الجوع..
لازم تكون عندك ثلاث وجبات اساسيه..
الفطور.. تمر مع سمن مع حليب مع اي اكله بر تحببن تفطرين عليها..
الغداء.. ايدام مع لحمه.. وممكن طبق جانبي رز او مكرونه الي حابه...
العشاء.. خبز توست بر.. ويكون جنبه جبن بيض دجاج الي تحببن تاكلين معه..وكاسة حليب
بين الوجبات ممكن تاكلين بساكيت او مخبوزات الي تحبين انتي..
ثانياً.. اللهموم يستعمل كاتالي مع الوجبات..
الفطور.. ملعقة حلبه مطحونه وملعقة ماش تحمسينه لين يشقر ثم تطحنينه و توضع مع حليب على النار حد ماتغلى بس وتحلى بالعسل حسب الرغبه ..رشاد اول عشر أيام مع التمر ..
الغداء..فلفل اسود وفلفل ابيض يوضع على الأدام..
من بعد العصر .. تسوين لك ترمس يكون جواته قشر قهوه مقدار فنجال و قرفه و شمر وينسون والتحليه عسل او سكر نبات اذا تحبين وتشربين منها طول اليوم.. العشاء ..( تسوين لك منقوع مر مع ماء كل ثلاث أيام بعدين ترمينها اذا ماخلصت وتكون بالثلاجه عشان مايخرب المر )( منقوع المر.. تجبين علبه مويه ام ريال وتحطين ربعها مر وتعبينها ماء لو يكون زمزم افضل وتركيها تنقع لين يذوب المر )( عند الاستعمال ترجين العلبه وتصبين نص كاسه من المنقوع والنص الثاني ماي دافي وتشربينها ) وهكذا البخور.. سيقان الطلح و قشر بصل وكسرة مره ويكون (بعد الولاده ب أسبوعين)




انا هذا برنامجي اذا يناسبك بالعافيه عليك❤️

يازين ذا السوالف 🤤😍
عن الحليب واشياء البيبي 🤣🤣
اما سوالف الكرونا والطلوق 😩😩

اي بن منقاش يعتبر اسعاره مرتفعه شوي
وصلتني الطلبيه ابشركم 😍
شويات ان شاءالله واصورها وانزلها لكم ماكملت ٢٤ ساعه من طلبتها👏