ايش السالفة .... كثرة الطلاق !!!

الله يعطيك العافية ي قلبي

نادر !!

الشيطان أساس كل معصية وكل سوء وكل شر ..

الانسان أصلا مابين لمة ملك ولمة شيطان
فماكان من خير فهو من الملك وماكان من شر فهو بإيعاز من الشيطان ..

ترى الشيطان الان الناس مايعرفون كيده ولا يهتمون بوجوده
مع ان القران كثير حذرنا منه ..

كل شر فهو من الشيطان ..

لو مافي شيطان كان زوجك فعله ملائكي ..

اقري في القرآن افعال الشياطين في الناس..
( استزلهم الشيطان)
( استحوذ عليهم)
( وسوس لهم)
( زين لهم أعمالهم)
( أملى لهم)
الشياطين يوحون )

اقري كتاب إغاثة اللهفان في مصائد الشيطان لابن القيم ..
حتى تعرفي القضية مو تفلتين ويروح..
لا حبيبتي
الشيطان اخرج ادم وحواء من الجنة ..
وتحسبينه بييأس ويروح ع طول !!

ماشالله كلامك جميييل ومريح
الله يرضيك ويسعدك...

حسستيني الحين اللي تطلقو كلهم عايشين سمن عالعسل
والزوج ياحليله
والزوجة مافي منها
والشيطان وزهم وتطلقو
عزيزتي روحي طالعي حولك
وشوفي اللي تطلقو وش اسباب طلاقهم
يازوج خاين يابخيل
ياسكير يامدمن يايضرب
ياراعي استراحات
يااهله مورين الحرمة الويل
والا الزوجة عاصية ولسانها طويل
يااهلها فارين مخها
ماحد ينكر ووسوسة الشيطان
لكن مانحطه شماعة على اسباب فشل الحياة الزوجية
برمضان والشياطين مصفدة وتلاقي كل البلاوي والمصايب تسير بهالشهر
ايش معناه
غير ان شياطين الانس اقوى من شياطين الجن

حولي حريم مطلقات
مافي وحدة تطلقت من غير سبب
ولا زي ماتقولي اتزاعلت مع زوجها
وقالتله طلقني
وهو ماصدق وقالها طالق
كل اللي تطلقو بأسباب قوية
سواء بنات شابات ولا حتى حريم كبار
الحرمة تراها تحافظ على ببتها لأخر نفس
يعني لاتصدقي لما تسمعي ان الوحدة طلبت الطلاق لانه بينهم زعلة بسيطة
ولا عشان رفضلها شي
ولا عشان تتدلع عليه
تدوق المر والضيم وتتشبط في هالزواج
لين ماتشوف انه ماعاد منه رجا
وقتها تختار الطلاق لانه هو الحل لحالتها ولحياتها