اذا الزمن يرجع كم سنه

خارج إطار سؤاك
لويرجع بي الزمن
ابي اقول لخواني الي ماتو والله أشتقت لكم

ايوه ي قلبي♥️
لازم تضبطين نفسك وانفعالاتك
بالبداية صعب بس مع المحاوله
مره ع مره راح تقدرين واستعيني بالله وتوكلي عليه،،

ليه يخاف؟؟
لانه عارف انك راح تهددينه
وممكن تعاقبينه بأي طريقة كانت
فعشان كذا يخاف من ردة فعلك تجاهه ،،

واذا رفع صوته عليك
هذا نوع من لفت الانتباه !!
ترى العيال بالذات تكسبينهم
بالكلمه الطيبه والاسلوب الحلو
والهداوة وطولة البال والصبر
وحاولي دائما تدعين لهم خاصه
في سجودك بالعون وبالهدايه والصلاح ؛؛؛))

ماشاء الله
عجبني ردك احس عندك خبره
بسألك إذا ممكن
ولدي عمره ٥ سنين يكره الهزيمة مرة ما يتقبلها
وأنا حاولت معاه كذا مرة
احيانا العب معاه وأمثل أني انهزم اقله عادي مو مشكلة
مره نفوز ومرة نخسر
يتأثر شوية يقول حتى أنا ما ازعل
نرجع اليوم الثاني
إذا لعبت معاه وسجلت هدف يزعل ويروح ويترك الغرفة

الطفل اذا تربى من صغرة على حب الفوز والنجاح والتفوق
سواء في دراسة او مباريات او مسابقات
نفسيا تنشا عنده هذه الظاهر وينمي عنده
حب الفوز وعدم الرضا بالهزيمه ايا كانت

فالاساس هم الوالدين لانهم قدوته ينتبهون من النتائج النفسيه السلبيه التي تنعكس ع الاطفال عند خسارتهم وهزيمتهم

يلزمك تتركين طفلك ينافس اقرانه وادمجيه مع الالعاب الجماعيه ولأنه حتما راح يتقبل الخسارة ويعوض هذه الخساره في اوقات ثانيه لانه مع المجموعه مراح تكون الخساره مؤلمة بالنسبه له بعكس لو لعب مع شخص فقط


☘️طيب كيف تجعلينه يتقبل الخساره ؛؛

اولا :

الوالدين هم قدوة الطفل اجعليه يراكم في موقف منافسه وكيف انكم تتقبلون الامر بروح رياضيه وان لاتتصرفون بعدوانيه في هذا الموقف لانه يتعلم منكم هذه التصرفات وراح يطبقها مستقبلا..

ثانيا:

اذا خسر فاللعبه مثلا،،
لاتوجهين له النقد السلبي،،
ابدا،،، ابدأي اولا ع تشجيعه ع الجوانب الايجابيه الي قام بها اثناء لعبه ثم اذا هدأ وخرج عن جو اللعب نبهية ع الجوانب السلبيه التي ارتكبها حتى تحلين المشكله بدون غضب منه ..

ثالثا:

وقت الهزيمة اظهري تعاطفك معه حتى لو بكى او حزن او خرج من الغرفه بيني له مساندتك له في كل الاحوال
مع كلامك معه بانها لعبه تحتمل الفوز والخساره وتعوض في المرات القادمه وانك انتِ خسرتي كثير وراح تعوضين مره ثانيه مثله تماما
لأنك اذا حسستيه ان الامر عادي راح يتقبل الوضع

رابعا:

اكبر خطا تتركين له الحريه لهزيمتك راح يتشكل عنده توقع غير منطقي انه لايُهزم ابدا،،،،، ولاراح يتقبل التنافس وردات فعله تجاه الهزيمه عكسيه وممكن يعكس ع نفسيته بل تجاهلي النتيجة وهنئية ع اداءه الرائع فقط


وهذا يبني شخصيته لواقع الحياه
وليتقبل جميع المواقف سواءا ايجابيه او سلبيه بروح رياضيه مرنه
بعيدا عن التحيز والمشاحنات والتعصب والتشنج العاطفي؛؛؛؛؛؛))

ما شاء الله عليك .. الله ينفع بك وبعلمك
جزاك الله خير رائعة فعلا ردك لامس الواقع
ونبهني لأخطاء كنت أسويها عن حسن نية
مرة شكرا