تجمع رابطات عنق الرحم 🧚‍♀️4️⃣8️⃣🧚‍♀️

إن شاء الله يكون الوضع أفضل

لا تخافين من العاملة بإذن الله تكون سليمة أكيد الشركة بتكون حريصة على عاملاتها لأن لو عاملة وحدة أصيبت راح تنقله لعدد كبير
وممكن تكلمين الشركة عن ذا الموضوع وتشوفين كيف اجراءاتهم الوقائية وتتطمنين والشركة اللي ترتاحين لها خذي منها ..

عن نفسي بديت أبحث عن شركات الشغالات اللي بالشهر وكلمت كم شركة وصراحة الأسعار نار 🔥 غالية مرة مرة😩
وفيه جنسيات أرخص لكن خايفة ما تكون مدربة وبدال ما تساعدني اصير بس الاحق ورى شغلها ..

ودي آخذ شغالة بالشهر تساعد أمي وقت نفاسي لأن ما عندها شغالة وهي ما تقصرالله يجزاها الجنة لكن استحي اطلب منها واحس إني اثقل عليها لأن هي أساسا مشغولة بمسؤوليات بيتها ..

مرة شايلة هم النفاس 😩 خاصة لو ولدت قيصري .. الله ييسر لنا الشغالات الكويسات ويسخرهم لنا

اللهم امين الله يسخر لنا الشغالات الكويسات 😩مره همهم هم بس مامعنا الا هم نضطر نجيب منهم انا كلمت شركه عندنا سعرها غالي🤦🏻‍♀️بس اش اسوي والمشكلة يقول اندونسيا كميه محدوده يمكن ألقى وقت ولادتي ويمكن لا والفلبين ماعندهم ومتوفرين أوغندا وكينيا و بس مابغاهم لو ايش مره اخاف منهم
الأمهات ترحمينهم حرام يشتغلون ويتعبون لنا هم ماصدقو نكبر يرتاحون بالذات لو فيه أطفال قبل بيسير الوضع في البيت متعب
ولادتك قررو قيصري والا لسى

لسى ما قرروا قيصري 😅

لكن آخر سونار كان مقعدي وحاليا احس بالحركة نفس احساسي في حملي السابق كنت احس بحركته وكأنها رجلينه تحت ما ادري كيف اوصفها بس زي الرفسات على تحت واستمر كذا مقعدي حتى ساعة الولادة ..
نفسي أولد طبيعي ولادة ميسرة وأدعي ربي ييسرها لكن بنفس الوقت أحاول أهيئ نفسي للولادة القيصرية حتى ما انصدم وما أتفاجئ

الله ييسر لك ويكتب لك مافي خير والله حتى انا نفسي طبيعي بس يقولون الدكتور مع التوائم مستحيل لاتفكرين🤦🏻‍♀️ الحمد لله ربي يسهلها لنا يارب وتكون سهله وميسره بإذن الله

وانا اقولك بعد لاتفكرين ولا لجزء من الثانيه بعد بالطبيعي😶
القيصريه افضل وامنه لك ولاطفالك .. وبسيطه جدا لاتشيلين همها
انا يوم كنت حامل بجنيني الي اجهضته كنت بقولهم يولدوني قيصري من كثر ماني متشحتفه ابيه وخايفه حتى من الطبيعي تعبت ادويه وابرررر ومنشطات وارهاق من كل النواحي الحمدلله ربي يتقبله شفيع ويعوضني خير في حملي هذا ويتممه على خير


* بخصوص الشغالات الي من المكاتب ام زوجي جايبه منهم وحده في رمضان صح غاليه بس تجيكم مفحوصه ومعها شهاده انها سليمه وتجي مدررررربه ع الشغل صراحه بطله


* بسالكم انا بالاسبوع التاسع دخلت الشهر الثالث ولالا 🙇🏼🧕🏿