والله يا اختي رأي لك خليك على وضعك عادي نامي معاه في الغرفة ويتحمل معاك مسؤولية البيبي زي كل أخوانه قبل
في رجال يحبو يشاركو ويستمتع بالأبوة وهذا الشيء يقربه لك وللبيبي ليش اعزل نفسي في غرفة عنو !!
عشان ارجع عروسة سلامات ترا في الاخير أنا إنسانة اتعب وأمرض واحتاجه سند وعون لي
بس في المقابل مو أكون نفاس ومهملة نفسي وريحتي خايسة صح دا الشيء ممكن ينفر الزوج
خليك مهتمة جدا بنظافتك الشخصية ونظافة الغرفة مع الحرص على تهوية الغرفة واذا على البيبي والبكاء ترا في رجال عادي عندو وحتى لو مو عادي معليه يتحمل شوية ليش كل التعب والشقا على الأم !!
عشان هو وراه دوام ؟؟! والله العظيم كنت موظفة قبل الزواج واكرف للعصر وارجع البيت اكمل شغل لكن دا كلو ما يقارن بحياتي بعد الزواج ومسؤولية الأطفال تحسي انك دوام ٢٤ ساعة شيء يستهلك صحتك 😪
شوفي للأمانة أنا ما قد جربت النفاس في بيتي بس أولد عند اهلي ويجهزولي غرفة ولمن يجي ينام معانا بنفس الغرفة لكن نفرشله مرتبة في الأرض ومرات كنت أقوله روح نام في المجلس يقولي ليه أنا جاي عشان اقعد معاكم واشبع منكم وكان يزعل اذا قلتلو اطلع نام في المجلس
فكل وحدة تعرف زوجها وطبعه 👍🏻
التباشير_الرابع_لمواليد_يوليو_واغسطس_2020
متابعة النقاش، صفحة 93