شاركي في النقاش

سجلي الدخول لإضافة تعليق.

التعليقات

1,000

  5. @lany_am

    البارونة ملاك
    انا نفست عند امي ومارضي يخليني الا اسبوعين😭😭 وبعد اسبوع اساس وهو مشاكل الا لازم نروح البيت رحت بعد اسبوعين بس الحمدلله وقتها كنت اقدر امشي واتحرك وكنا ننام كلنا بنفس الغرفة وعندة دوام وماينام طول الليل كل شويه نصحى حليب وتغغير وانا ص…
    أنا نفس الشيء زوجي ما يخليني أكمل الأربعين في بكري جلس يزن ويزن بس مارضيت أطلع لين صار سابع الولد وكنت بالضبط لي شهر وعشان والدة قيصري فيادوب شهر ولميت عظمي
    في الثاني كنت والدة طبيعي والبيبي توفى بعد أسبوع وكانت نفسيتنا نحن الاثنين جدا سيئة فلمن قالي ارجعي البيت رجعت كان لي أسبوعين والدة والحق اللي تولد طبيعي عادي تقدر تقوم وتجلس يعني مو بحاجة مساعدة زي العملية
    في الثالث عملية ونفس الموال ارجعي ارجعي بالعافية خلاني ٣ أسابيع
    دحين رافض فكرة أولد وأروح لأهلي يقولي بيتك اريحلك وانتي أم بزورة ليش تزعجني أهلك وإذا في بيتك أو عند أهلك معاك خدامة ايش فرقت اقعدي في بيتك أحسن
    صح كلامو بس والله يابنات اليوم بالنفاس يعدي طويل وثقيل وبيت اهلي فيه حركة وكفايا سوالف أمي وأبويا وطلت أخواتي علي وعيالي ينبسطو بالحوش وبزورة اخواني احس الأيام تعدي بسرعة
    لكن في البيت بزورتك في حلقك طول الوقت حتى لو بتدخلي الحمام وانتي بكرامة تلاقيهم قدامك والزوج مو طول اليوم في البيت هذا اللي مخليني استبعد فكرة النفاس في بيتي
    لكن عموما لمن ارجع بيتي في كل نفاس ارجع على سريري وفي غرفة نومي اذا هو انزعج أو مثلًا اختلفنا على التكييف أو البيبي يبكي وكدا يطلع هو أنا صعبة اطلع عفشي كثير وفوقها بزرة في يدي وأغراض البيبي حولي
    أما هو حده مرتبه ومخدة وبطانية
    معليش استغرب باللي تفكر براحة زوجها أكثر من نفسها
    اعرف حريم تنام بالمجلس وعلى الأرض وتخدم عيالها وتطبخ لزوجها وتمشي فترة النفاس وتطلع معدومة العافية !!
    ليه ؟!! من جد ليه !! هو ملك منزل من السماء
    مدري ايش الفكرة بالزبط يعني كدا ما يشوف غيرك ؟!
    البلى هذي النوعية من الرجال اللي ماترحم وتحس انو من واجبك تخدميني أنا وعيالي والله أكثر ناس ماتقدر الحريم
    وعلى النقيض تلاقي حريم محملين رجالهم كل شيء كأنها معاقة ولا كأن محد خلف غيرها وفوقها جبيلي خدامة وهي اغلب الأيام في بيت اَهلها
    لا الوسطية حلوة في كل الأمور أنا لي حقوق وهو له واجبات ومرات اشيل ومرات يشيلني المهم الإحساس بالمسؤولية من الطرفين >> كأني شطحت وخرجت عن الموضوع 🤔

تابعي تجارب أخرى من هذا القسم.