خافو الله فينا ياتاجرات

السلام عليكم ورحمة الله وبركاتة
صباحكم معطر بذكر الله 🌹
خواتي اليوم موضوعي لبعض التاجرات اللي ماتخاف من الله وتبي تسوق لنفسها غصب وبالغش والحتيال وتناست ان الرزق عند الله سبحانة ،خافو ربكم في بنات الناس حرام والله حرام اللي تسوونه كيف تبين الله يرزقك ونتي غاشه الناس انا انصدمت من ثنتين في الاستقرام وحده تبيع زيت شعر وتخيلو العلبة كبر قارورة الببسي 500 ريال ومنزله اسماء وهمية تمدح بالزيت اللي تقول من عشر ايام طلع الشعر واللي تقول اسبوع ونبت البيبي هير ويالله من هالكلام المنسق والمثير وانا والله اطلب منها علبتين لاني والله محتاجة شعري خفيف ويتساقط الموهم وثلاث شهور وانا يوم بعد يوم ازيت شعري ونتيجة كلام فاضي ودعاية مالها اصل يوم قلت لها صكتني بلوك ولا كلفت نفسه تناقش وتاخذ معي 😕 حسبي الله ونعم الوكيل 😒 والثانية شاي تبيعة تقول ينحف ويحرق الدهون ونفس الشي اسماء وهميه وسعر العلبة 200 ريال واربع شهور والله ماحرك فيني شي 😕ونفس الشي يوم ناقشته صكتني بلوك ليش كذا وين الخوف من الله كيف تبين الرزق من الله ونتي تخدعين الناس خلي عندك ذمه وضمير وكوني صادقه مع الله قبل الناس تصيحة لوجة لله اتقي الله في كل عمل تقومين فيه لانه سبحانه هو الرازق .