انا بالجبيل
اراجع بداية الحمل عند الهام بالمانع بس ما ارتحت باخر موعد عندها كانت قبله طالبه اسوي تحليل هرموني لان مابان الجنين ولما جيتها من بكرا قالت كويس وبان الجنين بس مافي نبض وتقولي مفروض سويتي التحليل الهرموني مرتين 😒 وهي ماطلبت هالشي
وبحملي السابق قبل يتوقف النبض قلت احس عندي التهابات وهي تسوي المسحه قالت اي واضح التهاب وعطتني مضاد وتحاميل ولما راجعتها يوم توقف النبض تقولي نتيجة المسحه سليمه طيب ليش تعطيني علاجات !!
واللحين اراجع عند سهيله باللولؤ والله يسعدها ريحتني وقالت مايحتاج تحليل اللحين ننتظر اسبوع وبعدين نشوف
واذكر راجعت عندها باول حمل لي ببنتي وكانت مريحه واخصائيات السونار عندهم مريحين وتاخذين راحتك تسئلينها وتجاوب عكس المانع كل شي سريع ونفسيتهم اكس
سهيله احسها فاهمه بس مشكلتها قبل زحممممه تاخذين ٣ او ٤ ساعات تنتظري دورك خصوصا الفتره المسائيه
التجمع الثالث لحوامل أحلى مواليد ينـ 1 ـاير & فبـ 2 ـراير لعام 2021 م
متابعة النقاش، صفحة 77