ليش الرومانسية تموت اذا شافت سعودي

حلوة الرومانسية بس لها وقت محدد وتجي بتلقائية مو مصطنعه من فترة لفترة أما كثرتها يصير ما لها طعم
اللي في الأفلام كذب كل ما يشوفها يحبها ويقلها كلام حلو ومدري ايش يسوي حركات ،،
تلاقين كل شويه الممثل يعيد اللقطة عشان تضبط وراه مخرج وفريق كامل عشان يطلع المشهد رومانسي
اهم من الرومانسية المودة والرحمة دققي في التفاصيل بتلاقيها
وأنتي بادري بطريقتك وهو عندك مو لازم جوال .. على قولهم الشئ اللي من القلب يوصل للقلب
وطبعا غض البصر له دور كبير في الرضا .. الأفلام الرومانسية حاولي تجنبيها .. من ترك شئ لله عوضه الله خيرا منه

شغلي عقلك وانوثتك وتشوفين الرومانسيه

انتي ذكرتيني بوحده الله يسعدها هي عاديه جدا ومتزوجه اختها الي اصغر منها تزوجت وماشاء الله ذوق ورومنسيه عاد ذي تبغى تقلد اختها قامت تلبس لبس م كانت تعرفه وحركات تسمع اختها اذا سولفت لها وهي بس تطبق خذ زوجها انصدم منها وجلس يهزاها يقول كيف فاجأه طلعتي تعرفين ذا الامور عرف انها تتعلم من اختهااا🤦🏻‍♀️🤦🏻‍♀️




التقليد مشكله خذي الامور حبه حبه بعيد عن المسلسلاااااااااااااات والأفلام ماهو فاجئه ترسلينه وانتي م عوديه من اول انصدم المسكين




المههههم لعاد تعيديها واذا جيتي تسوين شي سوي أمور عاديه يتعود عليها ويحبك سوي أكله يحبها وبخري البيت مثلا الصبح ارسلي له تدعين له بيوم جميل وكلام حلو عليه طالعه معه في السياره اطلبي عصير وذوقيه منها أمور انتي تشوفيها تافه ومكرره لكن مع الوقت بيحبها وبعدها ارسلي له شيء رومنسي شعر كلام حلو لكن يكون في اوقات مناسبة ماهو اذا شفتي شيء رومنسي ع طول ترسلين وترا الحب يبين بالأفعال ماهو بتقليد المسلسلات

رومانسية الافعال افضل من الكلام الي لايودي ولا يجيب 😂
اذا اشتقتي لدلع كلمي نفسك دلعيها ودلليها اشحنيها حب وحياه وكل شي ومابتحتاجين كلامه اهم شي افعاله الله يصلحه 🤣🤣🤣

بنتي لا تعممين لا تقولين السعودي
قولي ليش زوجي كذا
لا تاخذين ذنب ٣٠ مليون برقبتك
انتي ماعشرتي الا زوجك
الله يسخره لك