ساعدوني بطريقة كلام ابني

السلام عليكم كيفكم
عندي مشكلة مع ابني عمرو 5 سنين و نص لكن كلامه مش ممتاز 100٪ مثل باقي الاطفال بعمره ، هو الحمد لله بيفهم كلشي و بجاوب على كلشي.لكن كلامه مكسر كتير مثل الاجنبي اللي بحكي عربي تقريبا ، و حروف الجر عندو مخربشه جدا ، مثلا بحكي من الكرسي بدل على الكرسي ، او بدنا نروح في الغرفه بدل من عالغرفه ،و هكذا... ، بحاول اخليه قدر الامكان يحكي مع الاقارب عن طريق النت بسبب الوضع الحالي، لانه احنا بغربه وما عنده غير اخت بعمر ال 4 سنوات ، يا ريت الامهات الي عندها اولاد بهالعمر تخبرني كيف وضعهم وهل هاد الشي طبيعي وشو اعمل الله يجبر بخاطركم تساعدوني، طولت عليكم و يسلمو