سلفتي وتصرفاتها لليومكم هذا✋🏻
سلفتي ماني عارف وش فيها علي علما ويشهد الله علي ماعمري اذيتها ولا شافت مني شر احسها عقوبه علي حاطتني من بين عيونها😭 بقولكم الموقف او ل موقف انا زوجي استاجرنا شاليه قريب من منطقتنا تقريبا ميه كيلو المهم وقتها هم جاو ذي المنطقه كلم زوجها زوجي وبعدين زوجي عزمه يجينا في الشاليه وجو عندنا تقهو قليل وراحو المهم قالت لي سلفتي وهي جالسه جنبي تقول زوجي عنده رخصه اربع ايام راح نتمشى المنطقه الفلانيه ؛الي تبعد عنا 800كيلوو : بمعنى منطقه سياحيه في السعوديه انا على نياتي قلت حلوو ماشاءالله رحله سعيده في الاخير ماراحو بحكم هي قبل يرحون لها كل سنه يتمشون فيها المهم بعدها بسنه رحت لها واتصلت علي وقالت الحمدلله على السلامه قلت الله يسلمك قالت وش رايك بذي المنطقه قلت حلووه وقالت لي الا حلووووه موت مادري ايش بعدين اليوم الي بعده قابلتها عند اهل زوجي وقالت للي في المجلس باذن الله ابسافر سياحه للدوله الفلانيه وكمان ماراحت ي بنات وبعدين انا سافرت لدوله برا الحمدلله وبعدها لليومكم ذا احس ماعاد تطيقني ولاتطيق زوجي ولا تعزمني في بيتها ولا زواج اخوانها تعزم سلفاتي الي في العماره وانا لا حتى زوجها يسوي عزومه برا كشتات مايعزم الا زوجي ويقول الغدا خفافي عشان ماياخذني زوجي واللكل عندهم للدرجه ذي بدل ماتحقد على زوجها تحط الحره فيني وش ذنبي انا علما والله قهرتني في تصرفاتها مع اني والله كنت افرح لها ومافيني ذره غيره عليها لدرجه اتحمس في سوالفها وانا على نياتي واثاريها خبيثه من تحت لتحت على بالها تنكد علي بكلامها وانا ماطيقت لها خبر كنت افرح لها 💔😞