تلفظ الزوج على زوجته..الي موجودين يدخلوووووووووووون

الله يسخره لك يارب ويهديه

خليك كوووووووووول ولاتركزين على اللي يقوله ولاتعاتبينه كثيرا وراح تخف مع الوقت
..الان الطفل اذا خانقتيه على الفاظه راح يزيد ويتعبك واذا تجاهلتي الالفاظ راح ينسى مع الوقت
.............ولاتنسين كثري له ولابنائك من الكلمات الحلوة مثل ياقلبي ياعمري فديتك و......
مع الوقت راح يقتبسون كلماتك ...

الله يعين هالنماذج مايفيد معها الا الشده اقصد وقت الزعل اسفهيه بس بعدها بعد اسفهييييه سفهه معتبره ووضحي له ان زعلك على تلفظه عليك ولاتمرريها له بالساهل حسسيه بتأنيب الضمير قد ما تقدري عشان مره ثانيه يفكر الف مره قبل يتلفظ.... ادري سالفه تضيق الخاطر واعرف نماذج مقربه مثل كذا بس الغلط كان انها من البدايه ماوقفت وقفه صح في هالموقف لانه اذا تعود انسي انه يغير هالطبع

الله يعطييكم العااافيه يااارب

ومشكورين على ردوردكم الطيبه والنصايح الحلووه الله يوفقكم ان شاء الله

بس اغلب الردود ... اني اسكت يابنات ماتتوقعون يتعود على هالشي؟؟؟

يحطه عاده وشي عادي؟؟؟

لانهم يقولون الرجال على ماعودتيه والطفل على ماربيتيه :(

مع اني لي كم سنه مشاكل ووضيقه صدررر بس الى الآن مافقدت الامل...

دايماً إذا كان يتصرف تصرف وردة فعلج وحده وما تغير!!
معناتها لازم تغيرين ردة فعلج ولا شالفايده من ردة الفعل؟؟؟؟

أنا زوجي دفش ودايماً يتكلم بعصبيه وانا حساسه!! ما اتحمل
اللحين صار يحاسب على كلامه لييييييييييييييييش؟؟؟؟

جربت التطنيش اني ازعل واسكت بالأيام مافي فايده لأنه ما يكون
عارف وين غلطته لان بعض الناس ينسون وشو قالوا بوقت العصبيه
لذلك يا عزيزتي سلاح المرأه دموعها الأكيد يوم يتلفظ انتي تزعلين وتتضايقين
لا تكابرين تعاملي باللي تحسين فيه !! إذا انجرحتي انجرحي وبيني جرحج
إذا حسيتي فيج بكيه ابكي!! كل ما يتلفظ عليج حطي ايدج على ويهج وطلعي
اللي في خاطرج مره ومرتين وثلاث مسيره بيحس انه يوم يطول لسانه انتي
تطلع منج ردة فعل!! بس بدون ما ترادينه عشان ما تعطينه سبب لنفسه
انه يكمل

حسسيه انج ما تتوقعين منه هالتصرف هو بالذات
حسسيه انه انسان رائع لكن كل هالروعه تروح يوم يتحول لعصبي
حسسيه انج تحبينه لكنه قاعد يطعن هالحب بسلاطة لسانه

وإذا قدرتي مره تسجلينه يوم يسب ويغلط سجليه عشان بعدين يسمع
نفسه ويحس كيف كان قاسي