🤍 ~التجمع الرابع لمواليــد ينـايـر |1| و فبـرايـر |2| — | 2021

لولو حملي الاخير انثقب الكيس وانكبت المويا واشوف كثرت هالحالات بس انا بالاسبوع ٢٠ عاد اللي نزلته لي تقولي قولي الحمد لله كل شي من ربي خير انا احيانا اقول مانثقب الا هو فيه مشكله مع ان ماكتشفوا شي ابدا

اكيد ما انثقب الا وفيه شي ورب يختار الافضل والخير لعباده
والخيره فيما اختاره الله
انا ماشفت الجنين الي توفى ورفضو يخلوني اشوفه بس زوجي شافه يقول مررره تعبان وشكله يضيق الصدر مرره ..خيره انه ماعاش ولا مادري وش بيكون وضعي ووضعه والحمدلله مافيه شي يضيع لنا عند رب العالمين وكل شي بأجره الحمدلله

موب شرط يكتشفون السبب فيه اشياء كثيررر الاطباء يجهلونها وتفوق قدراتهم ودراستهم مهما درسو وتعلمو واخذو شهادات واعتلو . من الاف السنين الى يومك ماعندهم علاج لامراض مزمنه وخطيره عجزو يطلعون علاج يقضي عليها والله يكفينا واياكم الامراض يارب .. اقل شي وابسط شي ممكن يخطئون فيه الي هو جنس الجنين لابد فيه خطاء في تشخيصهم للجنس او تشخيصهم لبعض الامراض الله وحده اعلم بعبده ووين درب الخير ويوجهه له هذي رحمه من الله .. الحمدلله من رحمته بك نزل الجنين لحكمه نجهلها
( وما أوتيتم من العلم الا قليلا )

تخيلي انا رحت اكبر المستشفيات طبعا مشى حملي تمام التمام من الرابع بدا ينزل الدم صح خفيف بس استمر للاسبوع ٢٠ ومانقطع ابدا وكل من رحت له الحتين طيب ينمو المشيمه كويسه مايلقون سبب للدم الي ينزل الا يوم فجاه انثقب الكيس 😭 صراحه نفسيتي تاززززززمت مره عقب الي صار لي سنه الان من الي صار والله ان جتني روعه من الحمل 💔💔

يمكن جاك التهاب وبكتيريا وثقبت الكيس يمكن في المشيمه جرثومه وفتحت المويه ماتدرين
وفيه معلومه قد قالتها دكتوره لوحده من اهلي قدييمه هالسالفه طبعا يوم كنت صغيره الحامل في اول الشهور ماتاكل لحم او دجاج مو مستوي لازم يكون مستوي تماااااما
وتبعدين عن الهوت دوق والمرتدلا واللحوم المدخنه الي مااستوت وبرجر المطاعم خاصه المشوي ما يخلونه يستوي مره
هذي تكون فيها شي يقتل الجنين تقول ابتعدو عنها تماما من تدرين انك حامل الى الشهر الرابع وخلاص هذي مايلقون لها سبب ترى يصير الجنين تعبان بس مايدرون وش السالفه ليه انفكت المويه واهم شي الاسبرين وتحاليل الاجسام المضاده يطلع لك السبب باذن الله