الحمل ورا بعض من تجربتكم؟؟

احملي
ولدي الكبير حملت به وقعدت فتره طوييييله بعده اجهاضات
وزعلان نفسيا ماجبت بعده احد
صح كان يلعب مع اولاد اقاربه بس بالبيت وحداني💔
وبعد ١٢ سنه جبت له اخ والان عمره سنتين
بينهم فرق ويطفش منه ومايبي يمسك غرض من اغراضه
والان حملت عشان الصغير يلاقي له احد يلعب معه 😂🥺
بس الله يكون بالعون احس بتعب وانا اغير له حفاظاته
وارتب وراه وانومه وأأكله لان يطفشني ماياكل من نفسه
مايتكلم لو حس بالجوع متعبني الله يصبرني عليه وعلى اللي بيجي ويقويني على تربيتهم

اي اذا كمل تسع شهور ابداي محاولات والله يرزقك

الله يكتب لك الخير
المهم الاستعداد الصحي اذا حسمك قووي ومستعد الله يرزقك
حتى النفسيه لها دور بعد بس احس الصحي اهم اذا مستعده وجسمك قوي تتيسر كل الامور

ع حسب كم مدة تأخيرك؟
كم عمرك؟
انتي ادرى بوضعك

اذا انتي حامل بالاول وباقي ماولدتي
قرري بعدين

انا من وجهة نظري تحتاج الأم راحة ع الاقل سنة ثم احملي
بيكون الفرق بينهم اقل من سنتين.،.

ترتاحين شوي وتكملين ع فيتاميناتك وتستردين صحتك شوي

وبالنهاية قرارك محد بيسهر عليهم ويتعب ويربي غيرك🥰🥰🥰 استخيري وقرري بعدين

انا جبت اثنين ورى بعض والحمدلله كانو نفس الجنس لان لو ولد وبنت مشاكل وغيره واهتمامات غير ماوصف لك 🤦🏻‍♀️
التجربه جدددداً صعبه حمل وولاده ومولود يحتاج اهتمام وجسمك وشعرك واسنانك وكل شي يتأثر وتحاولين تضغطين على نفسك عشان ماتقصرين مع احد ذا وانا ماكنت مداومه متفرغه لهم مرره😅♥️
اهملت بيتي ونفسي فتره مو سهله والله لحد ماوصل الصغير٣ بعدها ارتحت الحمدلله وجلست ٦ سنين بعدهم كبرو الله يحفظهم وتوي حملت الحين لما دخلو المدرسه الله يحفظهم التجربه اذا انتي قادره تكونين مضغوووطه لمده٣ سنين ويجي ايام صاحيه الليل والنهار بذات مع المولود الثاني توكلي على الله وضروري يكون احد يساعدك جلست عند اهلي ٥ شهور بعد المولود الثاني وساعدوني والحمدلله ايام وعدت الله يحفظهم ويرزقني برهم♥️♥️