التجمع الــ12ـثاني عشر لمواليد لحوامل (نوفمبر11-ديسمبر12) لعام2020

صباح الخيرات والمسرات
وش هالأمهات الحلوات النشيطات اليوم ماشاالله شي لحقت عليه وشي مالحقت
انا اليوم جانا خبر وضيق صدورنا ابوي قبل خمس ايام جاي واحد ومسلم عليه واليوم قالوا انه طلع فيه كورونا
ابوي كبير بالعمر هو وامي وكلهم عندهم امراض مزمنه والله من غير شعور رحت لامي اليوم 😭 بس من بعيد لبعيد اصلا امس انا عندها ابوي لنا كم يوم ماشفناه الا من بعيد
ابوي عزل نفسه على طول بالملحق قالوا للي مخالطينه اعزلوا انفسكم اسبوع والي تطلع عليه أعراض واهم شي الحرارة يجي ياخذ مسحه ابوي الحمدلله مافيه اعراض ابداً الله يتمم عليه الصحه والعافيه
ونقوله رح خذ مسحه عشان تطمن ورافض ويهاوش ياربي صعب التعامل مع كبار السن
يارب تعديها على خير ويصير أبوي مانعدى منه
واشكي لزوجي قال عادي يابنت الحلال واحد معنا بالدوام قبل ١٠ ايام طلعت نتيجته ياربي يابرود الرجال قلت ولاعلمتنا ولا اخذت احتياطاتك وعزلت نفسك قال ماشفته ولاشافني ولاقابلته وه وارتحت

😂😂😂
متأخر بسبة الموقع🥺
توبه ماعاد اتلقف واحذف سجل سفاري
يعنني بنظف الجهاز عشان يصير اسرع واكلتها من امس احاول ادخل ويشوتني انا ومعرفي قلت بس ماعاد يبغوني
وازعل ساعتين و ارجع احاول ويرفض واقفل الصفحه وارجع احاول لين دخلني حسبي الله على ابليس اللي وزني وخلاني امسح سجلي💔
المهم
لاتنقصين درحاتي يادوب اجمعهن عشان يصير عندي مجموع طيب واولد بدري في اول التباشير ان شاء الله 😂😂

صباح الخير حبايبي

رحت طواري الحبيب بس ما أدري وش فيني انسخطت يوم وصلت هناك تخيلو ما كشفو علي لا اخذو لا حرارة و لا ضغط و لا جهاز قياس مستوى الاكسجين و أنا فاهيه ماقلت للدكتور و لا شي جاء كشف على صدري قال سليم مافي شي و مستوى الاكسجين عندك تمام


يوم رجعت البيت و أنا اتذكر إنهم خير شر ما كشفو علي الكشف الأولي ما أدري كيف حكم الدكتور إن أموري تمام و هم حتى حرارة ما أخذو ما أدري وش فيني ما انتبهت

و واضح على إللي في الطواري تافلين العافية


عاد بكره بأحاول أروح لدكتورتي بالحبيب تشيك على أمور حملي اذا تمام بأرجع بيتي يوم الجمعة ان شاءالله

استودعناكم الله الذي لاتضيع ودائعه
ان شاء الله والدك مافيه الا العافيه


3 من زملاء زوجي صابهم كورونا و واحد منهم ما اكتشف المرض بدري وكان يداوم لان مابانت عليه اعراض

لكن الحمدلله ان مديرهم متخذ اجرائات صارمه في موضوع التجمعات داخل المكاتب والا كان كلهم انعدو منه.

الله يحفظهم لك و ان شاءالله ما يحتاجون مسحه صح كبار السن مزاجهم صعب هذا أبوي نقول له افحص دام اثنين من أخواني مصابين و يقول الحافظ الله

ايه أخوي أمس يوم طلعت نتيجته إنه مصاب كان عند واحد من أخوياه و قلنا له ارجع لا تعدي ولد الناس قال نشب فيني قال خلك عندي بس اجلس بعيد ما تفرق معهم هالشباب الله يهديهم