لكل ام او معلمه او اي وحده عندها خبره بطيف التوحد ساعدوني الله يجزاكم الجنه

مرحبا
حبيبتي جربي بقوقل اكتبي التوحد وراح تطلع لج روابط كثيره لمواقع ان شاء الله راح تفيدج

انا كنت اسوي بحث ولقيت اشياء وايد وفيه مواقع شخصيه ومواقع علميه ممكن تفيدج



من اللي عرفته ان الاهل يدخلون بالاول مرحله الصدمه وعدم تقبل الامر وممكن يرجعون اسباب المرض لاسباب ثانيه يعني عين او حسد الخ

بس اهم شي عدم الياس والايمان بالله واختي تقول دكتورتهم انجليزيه بالجامعه تقولهم عندها توحد يعني ان شاء الله المريض يقدر يتخطى العقبات لو حصل اهتمام وتعليم صح

وانها بس للحين تتاثر بس بالاصوات العاليه

وان شاء الله باقي البنات يفيدونج اكثر

موفقه ان شاء الله

مرحبا اختي ا ختي عندها ولد توحدي عمره الان 11سنه لفت به العالم على امل انه يتكلم اويعبر عن نفسه ولكن بدون فا يده ما خلت ولا بلد وصلت حتى امريكا ما احد عنده علاج نهائي ولكن حصلت معهد العام في مصر يعالج التوحد عن طريق تدريبه على مهارات التواصل يعني اسماء الاشياء وماهرات السباحه الحين هويسبح ما شاء الله عليه بتباع ارشادات المدرب والقصه معه طويله لانها اكتشفت انه توحدي وعمره 3 سنه وهويعرف امه وخواته واحنا وعيالنا وهو يفضل احدى خالاته ولايحب الثانيه لدرجه انها اذا بتروح معهم مشوار يفتح باب السياره وينزلها واشوف اختي كانت دربه على الصور يعني معلكه لوحه وعليها صور مثل عصير ماي تفاحه حمام وملابس وكانت اتاشر على الصوره وتكلمه انها بتعمل هذا يعني مثل وقت تغير الملابس تاشر على الصوره واحنا نكلم الاطفال عنه انه حاله خاصه ونعلمهم كيف تعاملون معه وهي ترا تعطيه ادويه خاصه لهذا التوحد اتهديه وتساعده على التركيزومن اخذها سار هادي وكان قبل مزعج