زوجي جاب شغاله ماتهنيت فيها يحاوقني بها وبتصرفاته كيف اتعامل

ماشاءالله عليك كل هذا ومبرده كذا وتنامين عادي ؟؟؟


والله لو انا ( مو هياط ) ان مااسكت واعديها كذا سلامات
انا افخ نوم وهم يلعبون السبله وين قاعدين فيه
وزوجك م تمادى الا انه عارف انك بتسكتين لو انك ملسونه والله مايتجرا ؟؟


مااخببك بس وين لا دين ولا مله يرضى بهالشيء
تليها من عرقوبها عندتس تنخمد ولا ارسليها لاهلك موقت لين تشوفين صرفه مع هالثور ولا كل ماجاب خدامه بيسوي سواته
الخدامات العيب مو فيهم العيب بزوجك اقضبيه بلا قله حياء ينامون بقسم واحد والله اشب فيهم ليه مامليت عينه لهدرجه

ياعمري كل وحده تسال عني مادري عن مواضيعي ناسيه وش اخر هم كتبته طيب اللي تقولي اقلب عاليها هو يبي يثير غيرتي عشان اتهمه واشك فيه ويقولي يالله مافي شغاله ويسفرها مادري افكر اقوله لو تنام معها مايهمني اهم شي شغاله تخدمني وانت كل حركه من حركاتك يطيح قدرك اكثر واكثر بس سكتت ماتكلمت نرضى ولازعلنا راح لقسمها افكر انقل عفشها فوق بيت الدرج واخلي المقلط فاتح تدخلها لابغت تنام عشان مايلاهدني يسكر القسم عليهم وانا اسكت وهي مره تسكره اذا مو عندها اسكره عليها عشان مايطلع الصبح من عندها لكن لاصار عندها هو يسكره طيب ان تكلمت بيقول غيرانه علي ولا يسفرها حديهن زعلان ليه راح قايل لها دخلي ملابس ولدي الصغير انا غاسلتهن ملابسه فمابيها تشوفني اني غاسلتهن عشان تعتمد رايح مناديها وانا مادري وفيه عمال بالحوش وقلت ليه تطلع انا ماسمحت قال من يدخلهن الملابس انا قلت ماهن عند العمال شدخلهن بالعمال اخر الحوش ولا فيه تعلم ان فيه شغاله انا مامنهم يطبون علي اذا انت تامنهم وتهاوشنا واللي خلاه ينام بالحوش قال ليه بنتك هي يبون يغتصبونها قلت احد جاب طاري اغتصاب انا قلت ليه تدخل الملابس وانا ماسمحت وملابسي قبل كلوتاتي قدام العمال سياره دخلت اقول دخلهن تقولي عادي سكت ماله رد شوي قلت اذا هذا قصدك انا اظبط لها الطريق مع العمال قال طولتيها وبعدين قرا رسايلي قال الله ياعني تفكيرك المريض واركدي اركدي اركد وهذا تصرفاته معي شلون اركد شلون اول تعب جسدي من الشغل الحين تعب نفسي واذا جو اخوياه يقولي خليها هي تجيب الما وطلعت ويقول خويه لالا وجهها سمح طيب انا راعيه البيت اطلع لاخوياه واقدم ليه الشغاله السالفه عرضات بها وبرمضان عز فيني تعزير

ياعمري لبى قلبك اللهم امين والله انا سئمت افكر بالطلاق بس ابي يما سنه سنتين يدخل ولدي المتوسط اذا ماتسنع

زوجك مو محترم ولا يعرف الاصول
هذي انتهينا منها
وسكوتك ماله معنى الا انك خاااايفه
خايفه منه او خايفه من طلاق ما اعرف
بس الخوف مدمرك وهو متمادي عالاخر


المشكلة مو بالخدامة فيه هو
لكن لان الخدامة هي الطرف الاضعف
فالحل انك تطلعيها من بيتك
ارسليها لامك بحجة انها بتعزل البيت وطلبتها
واجلسي اسبوع بدونها.. راقبي الوضع

هي مابها بلا تذل مني ومنه بس مناقر حنا برمضان بس وين الغيره على نفسك تنام متسلقي والباب فاتح والمتزوجات فاهماتني ولا لاقعد من النوم ابد خبري خبركن يكون مشعلل ويطلع قدامها انا انجن مره رايح لحمامها عطيته نضره اطالع لهذاك اشوف وضعه كيف بعد ماصحى من النوم طيب لو عندي سواق وزعلت ونمت عنده عادي الوضع سواق زي ماهي شغاله لا ولاجو عمال بالحوش ادخلي وانتي ماتستحين وبوجهك طيب واللي ينام قدامها ويفحج وهو نايم وهي تفرج عليه ماتستحي وش اسميه انا وانا نفاس بولدي مابيها تدخل علي وانا نايمه تشوفني بس تدخل تنظف يجوني حريم فجأه وهذا قدامها ينام عاد فيه حوش بغرفتي ليه ماينام فيه ابي افهم