شاركي في النقاش

سجلي الدخول لإضافة تعليق.

التعليقات

1,003
  1. @sgayaa34

    ورد الجوري⚘💞
    بنات من تجاربكم ايش يزيد وزن الجنين ومن متى يبدا يزيد والله متعقده مره من ناحية الوزن لان بنتي الاخيره كيلو واربع ميه مره فار تتعب صراحه ودي لو اجيب وزن زين حتى اللي قبلها مو زود وزن كيلوين بس ارحم منها والله مساكين من كثر الضعف مايقدرون ي…
    اهم شي انتبهي للضغط لأن فعلا يأثر على الجنين ارتفاعه جدا..
    وبالنسبة لوزن الجنين مره قريت أن حليب الخلفات ( الإبل) يكبر الجنين بإذن الله 🤲 طبعا فيه محلات كثير يبيعون مبستر خذي حليب خلفات مبستر تلقينه عند محلات اللي يجي اسمها خبوب القصيم. أو حصاد القصيم. يوفرونه.. وبالعافيه
  2. تجربتي بالبنج النصفي ::
    رحت للطوارئ وكانت مويه الجنين انفكت في البيت وكنت مسويه ربط عنق الرحم 😣 ومعي طلق جاني بعد ماانكبت المويه
    رقوني للعمليات وسألني الدكتور ماتوقعت يسألني تبين كامل او نصفي ع طووول نصفي جلسوني على السرير ورجولي تحت وممرضتين ماسكيني من الامام وانا معطيني مخده وضامتها عقمو ظهري وقال ولا حركة خليك ثابته تخيلو كان معي طللق 🥺😫😣 احس بالمعقمات طول وهو يعقم بعدين حسيت بنغزات وخزز الابره خفييييف اتوقع خدر المنطقه بعدين ركب الابره ودخلها وسحب الابره وبقى اللي الي مثل المغذي هو الي يضخ البنج سحبه وجابه عبى كتفي ولزقه وانسدحت ودخلوني العمليات بديت احس بتنمييييل ووخز في رجولي
    وتبنجت وقدامي طبعاً ستاره زرقاء مااشوف شي ابد ولا اسمع اصوات ادوات ولااااشي وفوق راسي دكتور التخدير وقدامي عند منطقه البطن دكاترة التوليد وعلى يساري دكاترة طب الاجنه وحديثي الولاده عشان
    بعدين عقمو و فتحو البطن ومااحس بشييي ابددد ولادريت الا ويطلعون البيبي الاول الحمدلله شفتها وطيبه وبصحه وعافيه وودوها على طول عشان ينظفوها ويشوفها دكتور المواليد وكم دقيقه طلعو البيبي الثاني وما خلوني اشوفه خذوه الدكاتره على جنب ويسعفونه وتنفس صناعي ومادري اييش ويوم شافوني اني احاول استرق النظر وابشوف وش فيه على طول حطو ستاره بيني وبينهم خمس ثواني وشالو الستاره ما لقيت احد لا البيبي الثاني ولا اطباء الاجنه طارو به للعنايه وشالوه عني ... بعدين فكو الربط من تحت وخيطو البطن
    وطلعت للافاقه وصحتي زينه بس كان الضغط نااااااااازل وميته برررررد وقالت اذا ارتفع الضغط شوي وحركتي رجولك شي بسيط طلعناك غرفتك ..
    والحمدلله على كل حال الله يجعله شفيعاً مجاباً ولايحرمني اجره الحمدلله عوضني الله ببنتي يارب لك الحمد
    🤭🤭🤭🤭🤭 هذي تجربتي كاااااامله بالتفصيل الممل 😂
  3. الجنه الملتقى
    ان شاء الله اسمها كذا مو غلط علي 🤭😐


    ان شاء الله طبيعي
    انا تقريبا مثلك شهر و ١١ يوم ومابان الا كيس وصغير ياله شافته
    اصبري اسبوع وروحي شيكي باذن الله بتشوفينه ♥️
  4. صاحبة السعاده


    والله قلبي معككك وكل شوي ادخل اشيك انتي دخلتي ولالا تبشرينا


    متى اخر مره رحتي للدكتوره !
    لو تغيرين دكتورتك وتستشيرين غيرها يمكن يكون سونارها افضل


    عليييك بالدعاء وخاصه الدعاء في صلاة اخر الليل عن تجربه ♥️
    يكفي ان الدعاء يرد القضاء الله لايخيب رجانا ويتقبل دعواتنا يارب ♥️♥️♥️♥️
  5. @taktn_tsbdy_1

    هلا بنات وش اخباركم
    جتني حراره من امس تروح وتجي هبلت فيني وخفت ورحت توي طالعه من الدكتوره اخذت تحاليل عشان تعرف سبب الحراره وسوت سونار تقول حملي توه نفس حسبتها وشافت كيس عمره ٤ اسابيع و٥ ايام قالت متوافق مع التحليل الهرموني حق الاسبوع الي فات

تابعي تجارب أخرى من هذا القسم.