السلام عليكم ورحمة الله وبركاته
عمري ٤٥ داخلة ع ٤٦
عندي ٦ بنات ولله الحمد اصغرهم عمرها ٧
اخر مرة حملت كان عمري ٣٨
ودي اجيب الولد قبل ماتنقطع عني الدورة
كنت شايلة الفكرة وزوجي كمان شايل فكرة اني احمل المرة السابعة
بس خايفة يوم من الايام يجي يقولي ابغى ولد واكون قطعت ومافي امل احمل
احيانا افكر اقول ايش ابغى بالتعب وصحتي مو زي اول صحيح الحمدلله ماعندي سكر ولا ضغط وتحاليلي الشاملة كويسة لكن السن برضه له احكام واخاف الله لايقدر الحمل في الاربعينات يكون فيه خطورة ع الجنين ويجي مغولي او شي لاقدر الله مع انه مافي في العيلة شي زي كذا بس مادري
واحيانا اقول يابنت احملي وتوكلي ع الله قرأت كثير قصص ايجابية لحريم في سني وعيالهم زي الفل وبروح لدكتورة تعطيني طريقة الحمل بالولد واتبع تعليمات وحمية واتوكل ع الله ولو جات برضه بنت الحمدلله البنات عسل لكن اكون حاولت وماستسلمت
جدا محتارة استخرت وقلت بشاور وياليت تشوروا عليا بكل صدق بالذات لو فيه وحدة مرت بتجربتي
وشكرا لكم ويارب ترزقكم بالذرية الصالحة السليمة بنات واولاد ياكريم
شاركي في النقاش
سجلي الدخول لإضافة تعليق.
التعليقات
46- ااتوكلي على الله واحملي نصيحه في يوم من الايام يجي ويقول ابغى الولد ولاتنسين الصدقه والاستغفار وصلاه الليل وادعي الله في الولد الصالح المعافى ويارب يرزقك بتوأم اولاد يارب
- توكلي على الله واحملي دام كل تحاليلك سليمه ماشاء الله تبارك الله
بس قبل الحمل خذي شهرين حمض الفوليك يحمي الجنين من التشوهات بإذن الله
وبعدها اشتري جهاز التبويض نفس الحمل لكن تبع التبويض اسمه ارترون من صيدلية النهدي
وحددي يوم التبويض ( يوم التبويض بيكون الخط اغمق من الكنترول )
والله يرزقك يارب الولد تام الخلق والخلقه الصالح البار ويفرح قلبك - اعرف وحده جابت ست بنات وعمر الصغيره الان ثمان سنوات وكانت شايله فكرة الحمل من راسها وقايله لزوجها اذا تبي ولد تزوج
من سنه حملت وجابت ولد الله يصلحه ويحفظه وعمرها مثل عمرك بالضبط
وماشاء الله كان حملها خفيف ونفسيتها ممتازه الله يتمم لها يارب
اشجعك واذا صحتك كويسه توكلي على الله وابذلي الاسباب وتابعى تبويض عند دكتوره شاطره
والله يرزقك الولد الصالح ❤️ - الله يرزقك ويحقق أمنيتك توكلي على الله والله يرزقك الولد الصالح المعافي ويجعله قرة عين لك وسند لأخواته 🌺
- انا اعرف لك وحده وهي اختي
جابت ٤ بنات
ويوم جاء عمرها ٤٦ حملت وجابت الولد الحين هو ناجح من ثاني لثالث ابتدائي.. ماشاء الله ذكي وطبيعي
الحمد لله..
وطبعا الفضل لله أولا ثم الدعاء
سبحان الله أمي الله يرحمها كانت تدعي لها يجيها ولد ولا يأست..
وجابت اختي الولد سبحان الله..
عقبالك يا رب
إذا امك موجودة اطلبي منها تدعي لك الله يرزقك الولد الصالح البار بكم
والله الولد مهم.. الله يجيبه لك ولا يحرمك يا رب
مواضيع مشابهة
تابعي تجارب أخرى من هذا القسم.