🤍👼🏻التجمع (٦٧) لحوامل سبتمبر&اكتوبر لعام ٢٠٢٠👼🏻🤍

اهلاً ام سعد 💗

اهلين بسمة يسعد مساكي
ان شالله بتوصل قريبا
وبتتهني فيها💗💗

شوفي ياقلبي معك حق تاخذين ع خاطرك حبتين عشان ردة فعله بس لاتفتحين الموضوع معه ثاني ابداً عشان نفسيتك وصحة البيبي
فكري معي حبتين شوي والله لو يفحط مايقدر يسميها لا انتي ولا هو خلينا كذا نفكر بمجال اوسع .. الله سبحانه كاتب اسمها من قبل لا انتي ولا ابوها ولا اي كائن يسميه ف ليش ضايق صدرك ومكبره الموضوع !
استهدي بالله وترانا بهذي الدنيا مسيرين مو مخيرين
تدرين وش اللي يغير الاقدار !
شيئين : الدعاء .. والصدقه
وبس كبري دماغك واستكني وقومي تعوذي من ابليس وقندي راسگ بدلة قهوه 🦦♥️

اللهم امين يارب ♥️

خلي حد من هله يكلمه اذا ممكن يغير رأيه أولاً هو بيسميها على وحده وياليتها عايشه متوفيه ولا راح تدري عنه سمى عليها ولا ماسمى

يعني مب فرض اني اسمي عليها والله بخليه موضوع مصيري بيني وبينه بس بالتفاهم علشان مايعاند

وحده من صديقاتي من ايّام الإعدادي اسمها واسم خواتها مالها اي معنى ومب حلوه ابد اسماء غريبه غريبه في حياتي ماسمعت عنها المهم كبروا البنات وتخرجوا من الجامعة وغيروا اسمائهم لانهن صاروا مدرسات ومب حلوه صراحه مدرسه واسمها غريب حتى الطالبات يستغربون من الاسم

يعني وهي صغيره ماراح تستوعب الاسم بس بعد ماتكبر بتتعقد تقول حتى اسمها وممكن تغيره او تطلب تغيره من البدايه لايسميها اسم مب حلو ويظلمها الرسول وصى باختيار الاسماء الحسنه

الله يهديهم بعض الأزواج مادري شلون يفكرون