نار الزوج ولا جنة العزوبية 😂🤭😐؟

الله عليك ياام نايف كلامك درر
واضح عارفه قيمه نفسك ربي يسعدك ورافعه الاستحقاق عندك
الكلمه هذي هي مربط الفرس 👇🏻
(ولا تلتفت لكلام اللي يقول كبيرة ترا ماعاد بيجيك والله ربي أكرم منهم وارحم منهم وربي يقدر الخير وين ماكان)



فعلا ربي حبيبي هو الرزاق ومن ابسط حقوقك تدعي بكل شي تتمنيه الناس الحيًن تستكثر عليك الدعوه وتحدق عليك ليه ماترضي بالأقل احمدي ربك
، وانتي ولله الحمد حامده ربي وشاركته ع كل شي وبرضو متوكله عليه
وعارفه قدرته سبحانه وتعالي يسخر لك الارض ومن عليها وييسر امورك بلا فضل ولا منه من البشر
الله يرزقك كل ماتتمني وأجمل ♥️♥️انتي وبنات المسلمين

الله وكيلك وحده قالت لأمي يوم جابت لي عريس كبير ورفضت امي
قالت يعني من بياخذها اكيد كبير شايب
وانا عمري ٣٤
حتى لو ٣٥ أو حتي٣٦ اخذ شايب ليش

طيب واذا البنت صار عمرها فوق 40 أو 60 أو حتى 80 سنه وماتزوجت لأي سبب من الاسباب
سواء هي رفضت او مالقت المناسب لها او ماجاها نصيب
هل يعني ان الحياة تتوقف ؟
هل مطلوب منها تعطل حياتها وتحط يدها على خدها تنتظر شخص ينكحها ويلقحها عشان تحس انها عايشه ؟
الحياه فيها اتساع وتنوع وخيارات متعدده تقدر من خلالها تكون سعيده وتنجر وتحقق طموحاتها بدون زواج
هي ارزاق مقسومه على العباد ربي يسوقها لاصحابها في وقتها وزمانها المناسب وكلن ياخذ منها نصيبه ومحد له فضل فيها ولا بشطارته جابها
في ناس تزوجو ببداية العشرينات ومرت بهم السنوات وربي مارزقهم بالخلفه ومحد فيهم يشتكي من عيب طبي ومافي يدهم اي شي يسونه لا الطب ولا الرقيه جابت معاهم نتيجه لان هذا رزقهم ونصيبهم مهما ركضو عشان ياخذون شي مو مقدر لهم ماراح ياخذونه
والحياه مليانه امثله من اللي ترملت وتطلقت بدون عيال رغم صغر سنهم يعني الجنه والراحه ماهي حصر على الزواج والخلفه
الزواج مافيه وسام تميز تعلقينه على صدرك ولا فيه تاج ملك الدنيا تحطينه على راسك
والسعاده والراحه والقناعه اذا ماوجدتيها في داخلك وقلبك وعقلك فمستحيل تلاقينها بمكان ثاني لا في بيت زوج ولا بيت اهل لان داخلك فارغ صحراء خاويه تعصف بها العواصف والرياح يمين ويسار

إذا كان هناك أي أحد يبغى يتقدم من غير معارفكم فلا ترفضين بحجة ما تعرفين عنهم شيء فخليهم يجون يشوفونك أهله فإن عجبهم خذوا معلوماتهم واسألوا عنهم وهذا المتعارف في العادات ، مافيها اهانة ولا شيء ولكنها العرف .
وممكن تطلبي تعرفي معلوماتهم إن كان هذا في عاداتكم ثم تخلينهم يجونك ويشوفونك أهله وبعد السؤال وموافقتك يجي يشوفك الولد .
ثم لا تضعي يا غالية شروط بعقلك غير الأخلاق والدين كما قال عليه الصلاة والسلام : ( إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير)
، إن كان المتقدم دين وخلق لا ترفضيه لأن فرص الزواج قليلة كل ما كبرت الوحدة بالعمر ، وأكثر الشباب عندهم عزوف عن الزواج لأسباب كثيرة ، فلا تفوتي فرص تجيك !
وإن لم تجدي إلا شخص خلوق لكن محافظ على صلاته فخذيه .
وكان في زمن النبي صلى الله عليه وسلم يتخبون لرؤية المرأة التي يريدون أن يخطبونها ، فيعني حتى بدون إذنها ، يعني المرأة ما تعرف شي عن الرجل الي يبغى يخطبها .

ان يفوتك القطار خير من ان يدهسك القطار