نار الزوج ولا جنة العزوبية 😂🤭😐؟

لو انا وانتي وكذا وحده فعلا مقتنعات وعارفات هالشي واعيش عازبه ولااخذ واحد جنني بحياتي ويبينيي لمصالحه هو ونفسه وبس وانا حرام اطلع وحرام اطلب وحرام اسوي شي هو مو راضي فيه
انا تطلقت وانا حامل وبعد ماجبت بنتي وكملت شهرين خطبني واحد كبير بالسن عمره بالخمسين وانا بنهاية العشرين وقتها يوم رفضته اختي قالت لهم عمك كبير عليها قالت مو من صغر اختك تراها سنه وبتكمل الثلاثين ومطلقه ومعها بنت لو تاخذ عمي بيدللها حريمه كلهن كبار شفتي كيف نظرة المجتمع وكلامهم اللي يقهر
والحين الحمدلله بعد كلامها هذا انا مخطوبه لشخص افضل منه وعمره قريب لعمري ومطلق بدون اطفال وراضي ببنتي عوض الله اذا جا جاء الله يتمم لي على خير ويعوضني عن الظلم الماضي الاليم اللي عشته

اي والله صدقتي

مجتمع ذكوري وش نسوي لازم تتزوج قبل تصيري Expired
نظرتهم للزواج علشان تفريخ وبس
وفي بعض البنات يتزوجون اي واحد لانهم بحاجة للرجل
الانثى ماتقدر تعيش بدون رجال وحتى الرجال لان الله خلق لنا مشاعر و احاسيس هي فطرة بالنهاية
حتى لو عندك شغل ودراسة والخ في نهاية بتحسي بالوحده
الغرب البنت و الولد من الهاي سكول يكون عندهم حبيب/ه
مافي احد يعيش سنقل لين ثلاثين او الاربعين او لين يتزوج صعبه
الله يرزق كل العازبات الازواج الصالحين

خلينا نكون واقعيين
البنت في العشرين مو زي الثلاثين ولا الأربعين أو أكثر
نفس الشي الولد
يعني إذا واحد تأخر ما تزوج للأربعين مثلاً بتكون فرص إنه يلقى بنت على مزاجه بالضبط أقل
مو بس العمر
الفرص تحددها أشياء كثيرة ما ينفع نتجاهلها لأنها واقع
زي الجمال والمستوى التعليمي والاجتماعي والمادي
فلازم تكون مواصفات الشريك منطقية مع مواصفاتي
وأنا أشوف كل وحدة أدرى بنفسها
بس في العموم مهما كانت مواصفات الوحدة في أشياء أساسية ما ينفع تتنازل عنها
زي الدين والأخلاق
التنازل يكون في أشياء ثانوية زي المادة و المستوى التعليمي للخاطب وشكله وعمره وكذا يعني

حبيبتي العمر والشكل والمادة هذي مو اشياء ثانوية
هذي اساس القبول والحياة والواقع الحقيقي
يعني صعب وحدة تتزوج واحد عاطل لمجرد انها كبرت
او تتزوج واحد قبيح ماتشعر معه بالقبول وتكره شكله
حتى العمر.. فرق العمر احيانا يدمر الزواج وينهيه
باختصار التوافق اهم شي بالزواج
التواااافق مره مهم.. اقلها يكونون قريبين من مستوى بعض

اما ان الدين والاخلاق هي الاساس.. ما نختلف
لكن ترى ما يبينون الا بالعشرة والحياة الحقيقية
ويا كثر الرجال اللي الكل يمدحهم ولهم صيت وسمعة
لكن مع زوجاتهم ارذل واسوأ الخلق
يكونون ماخذينها رياء وتمثيل عند الناس بس


انا مو مع التنازل ابدا
دام فيه رب عظيم ورزقه واااااسع وثقتي فيه كبيرررة
خلاص أوكل امري له واختار الشي المناسب


كل شيء ممكن نمشي حالنا فيه ونسلك فيه الا الزواج!
هذي عشرة عمر مو يوم والا يومين
ولا هي مكان نغيره والا فستان نبدله.. فلازم يكون قرار عن قناعة