احترت مع هالكنب و طاولاته تكفون ادخلوا جعل الي ترد علي للجنة الباردة

سلام عليكم. بنات اشتريت كنب للمجلس عقب ٤ سنوات من سكني للبيت الملك و فاضي سنوات نجمع له🤕 ماشاءالله اخيرا عقبال . الكنب مودرن و غالي و شريت له طاولات خشب معتقه بيضاء متداخل معها رمادي و كنها قديمة ستايل الي فيها خربشات و تعتيق طبعا الطاولات مودرن و مو من كبرها اضطريت اشتري له ثنتين مع اربع جانبيات. المهم احس اني تسرعت و لو كانت الطاولات رخام او زجاج افضل رغم كرهي الشديد لطاولات الزجاج ،.لكن لاني ادور طاولات خدمة و لا لقيت درجة مناسبه للطاولات الوسط و الجانبيات احس عفت هالخشبيات . رايكم هل اهون عنهن دام فيه فرصه و اشتري زجاج او رخام او اخليهن و افصل خدمة زجاج او رخام عادي يصير فيه تداخل خامات بين الطاولات بينقدون علي او لا؟؟؟
ثانيا وش افضل يا بنات للمجلس هو هادي لونه رمادي فاتح مره مره خدادياته بيضاء مع تركواز مع سماوي. وش احط له سجاد؟؟
بحط بالموضوع نماذج لطاولات خدمة شوفوها تكفون و عطوني رايكم تمشي مع طاولاتي الخشب او اكنسل الطاولات و افصل كل الطاولات زي الخدمة !!! احتريكم تكفون ترى توني احس بفرحة السكن لي اربع سنوات بيتي فاضي لاتخلوني.
طلعا مافي صور للكنب ماصورته بالمعرض << خبله
و لا بعد وصل بيتي توني شاريته فافيدوني اكنسل الطاولات او لا.