تجمع الراغبات في انجاب البنات 👧🏻🎀(2019)

ياعمري ياحب
لاتزعلين ولا تتضايقين ماتدرين ايش الخيره فيه
والف الف الف مبروووك الامير الجديد الله يرزقك بره وصلاحه وشوفته بالسلامه
ويله بأذن الله ان الخامسه ثابته ماتدرين يمكن تحملين بعد الحمل وتجيك ام شباصه الدلوعه الي تتغلى
والله يقومكم بالسلامه

كلنا حاسين فيك ومريت بنفس تجربتك بولدي الثالث وبكيت وزعلت وتضايقت بعدين تأكدت انها خيره ماندري ايش الخيره فيه
وهذا ولدي ماخذ عقلي وقلبي

فعلاً احنا بس نتبع اسباب عشان نريح انفسنا من اللوم وليش ماسوينا وفعلنا
وهذا كله بأمر الله وربي قد كتب وقدر لنا ايش بنجيب لكن نسأل الله الرضا والقناعه في كل ماوهبنا الله اياه
والحمدالله على كل حال

فعلاً التربيه صارت صعبه كل شي اللحين مفتوح
والكل يربي الشارع المدرسه والتجمعات كل شي كل شي

عشان كذا لازم متابعه قويه وتربيه معتدله بأسلوب يحتاج طولة بال وحسن تصرف وهذا الشي مانقدر ان احنا نطبقه لكن مع الممارسه وملك النفس ان شاء الله ان احنا نكون قدها وقدود

لاتقولين لي شي
زوجي رافض فكره الحمل الرابع نهائي يقول خلاص الثلاثه هذولا كفايه وانا بأتجنن ابي بنت وهو يقول لا خلاص واذا جاءولد ايش استفدتي انا ودي انه يتحمس معي عشان يتابع معي ويساعدني ويعينني لأن يد وحده ماتصفق لكن الله يهديه لي ويغير رأيه ويتحمس ويساعدني
لكن املي في ربي كبير انه بيرزقني البنت من غير حول مني ولا قوه