💟التجمع (٧٠) لحوامل سبتمبر&اكتوبر لعام ٢٠٢٠💟

يعطيك العافيه فرح ع التجمع ♥️
بالنسبه لموضوعك ام سعد
انا اعرف رقمه بس هو مايعرف رقمي
للامانه ماقد مره فتح جوالي ابد ولايدري اني حاطه رقم سري ولاياخذه الا اذا بيشبكه بالشاحن
وبالمقابل انا واثقه فيه وكثير افتحه واخليه معاه اذا بيتابع مقطع واطلع اروح للمطبخ او مكان بعيد عنه ولا مره طلع من المقطع يفتش في جوالي ومرات اذا ماسكين خط افتح له اللوكيشن واثبته ع الطبلون واحط راسي وانام ولا يفتحه ولايحركه من مكانه يصحيني اذا حس انه تاه عشان اعدله فالحمدلله يارب
بالمقابل انا افتح جواله وهو عندي او مو عندي مرات اشبك شبكه ومرات افتح لوكيشن او ابحث ويشدني الفضول اطلع ع الصور و السناب بس ياعمري والله مافيه شي سناب كله اصدقائه و الصور كلها مافيها شي
وشغله هو اختلاط وكم مره ابليس يوسوس لي ادخل الواتساب بس اتفل عليه
لو فيه بلاء مانام وعطاني جواله اتصفح 🦦♥️

اللهم امين يارب🙏🏻

وحده من صديقاتي زوجها قطوه لا اله الا الله مره بريء ومره واثقه فيه ماتشكين فيه
تقول مره ركبت السياره وهو نزل المحطه واسمع صوت زززززز ززززز ومره تهز السياره وانتبه للنور حق الجوال بباب السياره واخذ الجوال طلع جوال قديم لزوجها والرقم مو مسجل
تقول اخذته وحطته بشنطتها ونزلت وخلته معاها
بعد مانزلت البيت طلع هو وصار يدق ع الجوال اللي معاها واحرق الجوال تقول مخليته معي واشوفه يدق والدموع اربع اربع وتقعد تفكر وش اسوي مالي حيله وما ابي اواجهه وما ابي يبقى الجوال شغال
وتاخذه وتحطه تحت المويه وهو يدق لين خرررب وبعدها جففته وخلته بشنطتها ويوم طلعوا مره ثانيه حطته بزبالة المول ولامن شاف ولا من درى
وصارت معها برضو ثاني مره وحصلت جوال جديد هالمره معاه بالسياره
قامت خذت قارورة مويه وصبتها ع الجوال وخلته لين تشبع بالمويه ورجعته مكانه
تقول خله يتخسر كل مره يشتري جوال وكل مره اخربه عليه
اخرب جوالاته ولا اخرب بيتي 🦦
والبنات اللي يكلمهم مو هم جو له ! هو اللي سعى لهم تقول اعتبرهن خواتي وملعوب عليهن ولاشلت بقلبي على ولا وحده

الله يهون عليها وتولد بأول التاسع

بعضهم لا تبي تعرف الرمز لانها مب واثقه فيه وعلشان التفتيش والله ماراح اعور راسي

سبحان الله الواحد لو له خرابيط ترا ينفضح في يوم من الأيام