💟التجمع (٧٠) لحوامل سبتمبر&اكتوبر لعام ٢٠٢٠💟

صباح النور 💓

سلامتك ياقلبي
جربي حطي بالخلاط لبن وسكر وثلج وشوية مويه طعم رووعه ويثلج الصدر

بقولك
اول الزواج كرهته كره العمى وبس اصيح عند امي ابي اتطلق وامي تهدي فيني وتعلمني بكلام الناس ووش بيقولون والرجال صيدة والف وحده تتمناه ومن هاالكلام
بس ابد كلامها ما كان يأثر فيني
رحت لاخوي الكبير وشكيت له الوضع وبحكم ان زوجي صديقه قال اسمعي تحمليه سنه وبعد سنه اذا ما صار بينكم توافق خلاص بقوله يطلقك
ومن حسن حظي جاه نقل ل ينبع وصار يجي بالشهر مرة وياخذ اربع ايام اجازة يجي فيهم عندنا وبهالاربع الايام والله كنت اصبر نفسي تصبير ويارب متى تخلص عشان اتنفس واعيش
بالصدفة حملت وانا والله ما كنت اخطط له ولا جاء ببالي
تعبت انقهرت عصبت لان حسيت اني خلاص انربطت فيه
صارت احداث كثيرة عقب وطلبت الطلاق واهلي ما تدخلو ابد بس هو رفض قال الطلاق تحلمين فيه حلم
ما شفته لين ولدت بنتي وجاء يشوفها
وقال يا بنت الحلال تعوذي من ابليس واللي تبين اسويه
وفعلا لما شفت بنتي بديت اقتنع فيه وانه قدر لا مفر منه

تعاملي معه الحين اشوف نفسي تعودت عليه والحياة مشت معه يحب عياله ولا يقصر عليهم بشيء
الكل يمدح فيه واقول ياليتني اشوف اللي تشوفون
خواتي خالاتي يقولن انتي محظوظه فيه اهز راسي واقول بقوة محظوظه ما يدرون ولا يحسون باللي احس فيه
لي معه الحين 15 سنه واشوف القلب هو القلب ما تغير
اللي تغير تجاهه قناعاتي وانه اب اطفالي وعزهم بعد الله

انا أعتمد المسحات الطبيه.. والتهوية فقط
الحمدلله ماتطول اسبوع تقريبا وهيا تمآم

الله يسلمك 🥰🥰

بحاول والله ودي بشئ يسرسرح يخفف هالحموووضة

الله يهون علييييييكم جميعا يارب و يقر عيونكم 🌸🌸


بنات لو فيه قروب واتساب لتجمع الحوامل يا ليت ما تبخلون علي احتاجه و بشده 😣❤️