صباح الورد 🌷🌷
نبي ندعيلك لكن مافيه اصدق من دعاء الواحد لنفسه
حطي لك برنامج امشي عليه بتقولين ليتي من زمان سويته
انا سويته قبل احمل جلست ثمان سنوات وشوي والحمدلله ما كملت ثلاث شهور الا وانا حامل
قبل ساعه ونص من الفجر اقرى سورة البقره واتسنن واطول بالسجود وادعي لنفسي وبعده ادعي للمتأخرات من قرايبي واللي اعرف واستغفر ٥٠٠ او اكثر حسب الوقت
كل يوم كذا والله تغيرت نفسيتي واطمئنيت ان ربي يبي يعطيني بس انا علي الدعاء والتقرب منه
اذا شفت عمال بالشارع اخذت لهم حبه فاكهه موزه تفاحه ومويه بكيس ووزعت عليهم وانويها ربي يرزقني
تعلقي بالله واطلبي منه وطولي السجود فيه راحه عظيمه وقولي كل اللي بقلبك ربي ارحم الراحمين ويحب عبده الملحاح وهو اكرم الاكرمين سبحانه
ادري انك عارفه كل اللي قلته لكن وذكر ان الذكرى تنفع المؤمنين
ويارب يفرح قلبك ويرزقك من واسع فضله
تجمع ال(١٥٢) المقبلات على الحقن المجهري واطفال الانابيب
متابعة النقاش، صفحة 169