عندي ألم بالحلق 🥺

@shhzlan_2010

السلام عليكم اخواتي ..


بنات قبل كم يوم رحت محل الورد بضبط لي هدية .. قال زوجي ما تروحين الا بالاحتياطات .. لبست الكمام الطبي ولبست النقاب فوقه وقفازات .. ورحت للمحل العصر مشيًا على الاقدام .. بس احس ماكو اكسجين يدخل وحر وكتمه احس باختنااق .. بعد ما خلصت رجعت البيت وعلى طول شربت ماي بارد وغسلت ايديني ووجهي ورحت قباال المكيف على طوول عشان ادور البراد والاكسجين .. صار وحهي احمر كثيييير احس اني اختنقت ..


نمت بعدين وجلست الصباح حلقي ملتهب ..🥺 .. اخذت اشياء ساخنه وحبوب ** ستربسيل .. احس تحسن .. اليوم احس بحشرجه في حلقي ..


وش اخذ شي اخفف من الم الحلق؟؟

9 تعليق 769 مشاهدة

0 0

شاركي في النقاش

سجلي الدخول لإضافة تعليق.

التعليقات

9

  1. @kmr_alzmaan_1

    الف سلامة عليك
    عن نفسي اذا حسيت بداية وجع حلق
    يعني الحكة اللي تجي بالحلق قبل الوجع
    بسرعة اخذ حبة سودا والحمد لله
    بس لاتكثرين عشان تتعب المعدة خذي قليل بطرف الملعقة الصغيرة
    طريقتي امضغها واكسرها باسناني عشان تطلع المادة اللي فيها بعدين اشرب عليها موية

  3. @aaoatf_trky_2

    جربي فصين ثوم ني مع زبادي لمدة ثلاثه ايام عشان لو في إلتهاب يخف بإذن الله

    وخذي فيتامين سي طبيعي من الفلفل البارد والكيوي والمانجا لان نسبة فيتامين سي فيها اعلى من الحمضيات
    واستمري على المشروبات الدافيه وقدامك العافيه
    على طاري الكمامات ترى ممكن تسبب لك اغماء بسبب نقص الاكسجين اذا طولتي لابستها من البيت الى المحل
    اذا كنتي بالسياره شيليها اتنفسي

  4. @shhzlan_2010

    صاحبة الموضوع
    الله يحفظنا وياكم جميعا.. مو عارفه والله اختنق كثير من الكمام 🥺🥺.. خصوصًا انه حر .. بس لازم من الاحتياطات ..


    الحمد لله ماكو زكام .. بس ما اخبي عنكم خفت وقلقت شوي 😩

تابعي تجارب أخرى من هذا القسم.