تجمع/اللي زوجها عدد الحيوانات المنوية عنده (صفر)

الله يسعد قلوبكم يابنات والله صار لي فترة عن المنتدى , انا حالياً افكر بالتبني كثير وامي وخواتي يقولون لي
اصبري احنا نحس بتجيبين عيال ان شاءلله ، وانا والله
اني احس مثلهم من اول ماقالوا لي زوجي عقيم بس
ودي بطفل يسليني عن الوحده وهو مثل مايحتاج ام واب احنا نحتاج طفل يملي علينا البيت قاعده افكر كثير بهالقرار وخايفه منه بنفس الوقت على اساس اليتيم مو مثل ولدج هذا امانه كبيرررره ومسؤوليه مررره
وبتخافين عليه اكثر من عيالج يمكن لازم اكون قد هالمسؤوليه 😔 انتوا ايش صار معاكم يابنات انا بعلمكم ان زوجي مايبي يسوي شي من زمان ولا يفكر بعد ووفوضت امري الى ربي

بالعكس خطوه حلو والله يوفقك وكثير شفتهم بحياتي كفلو يتيم ووفقوه الله الله يسعدك والحمدالله أنك بخير ونعمه ♥️♥️

ولكن للأسف زوجي رافض الفكرة نهائياً :(

السلام عليكم ورحمة الله وبركاته
انا متزوجة من سنتين و ٨ شهور ومؤخرا عرفنا انا وزجي ان عنده انعدام بالحيوانات المنوية وسوينا التحاليل والفحوصات وطلع ضعف في وظائف الخصية
قعدت أبحث وادور بالموضوع ولقيت تجمعكم قلت يمكن الاقي شي يساعدنا نبدأ بموضوع العلاج انا تايهه ومو عارفة كيف نبدأ علاج ووين وعند مين وهل ممكن يكون في علاج أصلا أو لا ساعدوني وطمنوني الله يطمنكم ويرزقنا يارب.

زوجي عنده انعدام الحيوانات المنوية وبعد ماسوى فتح للخصية وجدو حيوانات منوية ولكن ضعيفة الدكتور قاله لسى الحيوان المنوي في الطور مايتكون ويموت وقاله الدكتور لازم ابر هرمونات بالخصية الي عندها معلومة تفيدني منها نفع بعد الله ولا