شاركي في النقاش

سجلي الدخول لإضافة تعليق.

التعليقات

1,020

  3. @am_aabody24

    السلام عليكم بنات شلونكم
    انا من زمان عن المنتدى دخلت تجمعكم اتذكر زمان ☺️
    كنت افرح اذا احد شجعني ولاقصوا ولادتهم وكيف خلصوا وتسهلت ...
    المهم بقولكم قصتي لعلها توسع صدور البنات هنا ويدعوا لي اذا فادتهم طريقتي😌
    انا سلمكم الله مادريت اني حامل اول شهرين فتلخبطت بالحسبه وكنت صغيره وجاهله هالامور المهم طولت وثقلت كثير ماولدت وقلت الحركة جدا ..رحت للطوارئ كشفوا قالوا انتي متعدية موعدك والجنين منحشر ونبضها ضعف ومن هالكلام 😭تعالي بكرى طلق صناعي
    ولو ماجيتي خطررررر وتتحملين المسؤليه ..طلعت وانا حزييينه عاد زوجي مارجعني للبيت لا وقفني بالدايري وقال اطلعي النفود جلس هو وامي تحت وانا طلعت النفود تعبت صح لكن ماانسى كيف نزلت وانا مرتاااحه وكأنه سحب كل الطاقه السلبية الي فيني 🙂رحت مع امي لبيتها وبدا الطلق اول الفجر ..ماصار الساعه ١١الا وانا بالطوارئ كشفت قالت 8 مفتوح .ولدت قبل الظهر والحمد لله الي يسرها ..سألت زوجي قال كانت هذي طريقة امي اذا تأخروا خواتي ..ان شاءالله اني افدتكم ولو بالقليل عاد كل وحدة تعرف اذا هالشي يناسبها وصحتها تتحمل وكذا لان بعض مايناسبه التعب والجهد
    اخيراً اسأل الله ان يرزقكن بالولادة السهله الميسره ♥️

    ولاتنسوني من دعواتكم انا الحين احاول احمل ادعوا لي بالولد التام حبيباتي

  5. @lb_nfsy

    ام عبودي٢٤
    السلام عليكم بنات شلونكم انا من زمان عن المنتدى دخلت تجمعكم اتذكر زمان ☺️ كنت افرح اذا احد شجعني ولاقصوا ولادتهم وكيف خلصوا وتسهلت ... المهم بقولكم قصتي لعلها توسع صدور البنات هنا ويدعوا لي اذا فادتهم طريقتي😌 انا سلمكم الله مادريت اني حام…
    الله يجزاك الف خير يارب
    سوال وش يعني طلعتي النفود انتي تقصدين الجبل طلعتيه ( رقيتي ) والا تمشين عالرمل ؟

تابعي تجارب أخرى من هذا القسم.