🤰 التجمع العاشر لحوامل مواليد يناير (1) & فبراير ( 2) لعام 2021 🤰

صباح الخير ع الكروشات الصغيرة
مبروك روح سماع النبض وعقبال نعرف جنس البيبي 💙💗
الله يسهلنا جميعا ونفرح باجنتنا واحنا وياهم بصحة وعافيه


انا قبل ٣ أيام قابلت اخت زوجي وسلفاتي والله يهديهم هم ما يتكلمون ابدا اذا حملوا لدرجة وحدة من سلفاتي ما نشوفها طول حملها الى ان تولد زوجها يخبرنا بحكم اننا ما نتلاقى الا نادرا فحتى لو جات مناسبات مهمة ما تحضرها عشان ما نعرف وراحت سلفتي الثانيه تقلدها لكن فشلت خطتها وعرفنا بدون ما نشوفها 😅


اخت زوجي من عند الباب والله لسه ما فصخت عباتي سألتني ماشاء الله انتي حامل لقيت عليها السالفة بس ما مشت ورجعت تسالني امنتك بالله انتي حامل وانا ماحب اكذب الصراحة ولا احب اللي يسألني لاني ما اسأل احد نبهتها ما تقول لأحد لين تطلع بطني ويعرفون بنفسهم
ورجعوا سلفاتي يسألوني بطرق غير مباشرة ولفيت عليهم ومشت وتضايقت من الجلسه وقررت اني ما اقابلهم الا بعد العيد او ع الدراسة ماحب الفضول ويعرفون طبعي بس الله يعينهم على مابلاهم

بنات الرياض
ابي دكتوره ممتازه تعرف الجنس ضروري

من جد يقهرون تقل ماحد حمل يشقون فيه الناس ليش وصلوا بهالدرجه 🤕💔💔

منى الريس بالشبلان فضيعه
بس دقي تاكدي لسه بالشبلان انا قبل ٧ سنوات
علمتني الجنس وانا بالاسبوع ال ١٢
رحت لها عشان بحثت وقالوا مافيه زيها

ماتخيل نفسي اتلقف على فلان وعلان حمل ولا ماحمل 😩 استغفرالله بس الله لايشغلنا الا بطاعته
بس والله ي بنات علمنا يوم حملت بحملي الاول ع طول وكنت توني محلله مابعد شفت نبض بحكم انه ولدهم الكبير وفرحة عياله لها طعم وربي حفظهم بحفظه الي بوصله ان كل شي مقدر ومكتوب اذا بيتم بيتم غصب عن الجميع واذا الله مو كاتب له مابيتم لو مانعلم احد
وحملي الاخير الي اجهضته علمنا بعد ماشفنا النبض لكن لان الله ماكتبه ماتم
لكن ذا مايمنع من التحفظ ع الاقل اول الشهور لان كلش يتخبى الا الحمل يبان بالنهايه😂