كم وقت خذيتي عشان تسوقين السياره وشلون تدربتي تجاربكم

هلا بك
المانويل مااراح اندرب عليه لاني ماراح اسوقه
الله يستر من دعسه البنزين
انا تدريبي كله مع مدربه قياده وسياره فيها مقودين
والمشكله تعودت عليها مااتخيل اسوق سيارتي لحالي
تعودت على شخص معاي ومعاه السكان يصحح لي

اهلين وسهلين انا من السواقات القديمات في البر والمخططات بس كنت اتوتر لو اشوف زول سياره هههههه بعد القرار كثفت تماريني بالمخططات وشوي شوي تدرجت اول كنت بر بعدها مخططات فاضيه شوي مع السماح كثروا الي يتدربون معاي وتدربت بالبحرين صارت ضروف ووقفت مع انه باقي ست ساعات سجلت بمدرسة شرق وانتظر الرد بس اقضي مشاويري ومشاوير البيت الحمد لله دربت نفسي بنفسي بالاصرار والعزيمه وكسر الخووف

وعليكم السلام
تدربت شهرين مع ابوي قبل لا اطلع ليسن قعدت افتر بالمنطقه واتدرب على الدوارات والسفطه وبعدها طلعت على الخط السريع مع ابوي وبعدين رحت مع مدربه بس مره وحده عشان اعرف شنو بيجي باختبار الليسن
طبعاً متعوده اسوق بالبر وابوي كان يسوي لي اعمده يعني مسفط🤣 عشان جذي طلعت على الشارع بس صرت ١٨ لان مدربه قبل

انا مشكلتي اولادي مايبغوني اسوق يعلمني مثلا ربع ساعه ويخليني اسوق بمخطط ويرجعني ويجلس شهرين ثلاث ويقولي تعالي سوقي اقول نسيت يقول شفتي ماتعرفي خلاص لكن احيانا اخرج مع اصغر عيالي ويخليني بس في المخططات اللي جنب بيتي ويقول انت ماتنتبهي علي الاجناب وبس طبعا سقت من اول يوم صدر القرار ومره سويت حادث وصدمت بيتنا والحمدلله بدا الخوف يقل

عن نفسي ما اخذت وقت
النظري نجحت بيه من اول مره
والعملي من ثاني مره واول ما اخذت الرخصه
روحت من دائره السير بسياره الوالد الي رحت
بيها الامتحان وانا سايقتها ومن يومها وانا اسوق
حطينها براسك لا تقولين فلان تعلم صغير اسهل
ولا فلان تعلم كبير اصعب قولي قلبي قوي وبتعلم
انت بس قوي قلبك ما تخافين من السيارات الي
بشارع ابدا مهما كان حجمها ركزي بهذي النقطه
وبأذن الله من بعدها غير تسوقين الي اكبر من
السياره
اسوق (ترك ) بعد ما اخاف
الترك يجي مثل شاحنه
صغيره مثل هذي بزبط 👈🏻🚚
والله يكتب لك ما فيه الخير حبيتي ❤️