شوروني يابنات اتطلق والا اصبر

السلام عليكم
كيفكم بنات
ابغى استشيركم في موضوع وانتم احكمو اطلب الطلاق او لا وايش حقوقي اللي اطلبها بعد الطلاق
انا لي ١٨ سنه متزوجه وعندي اربع عيال
زوجي اناني ويحسب لكلام اهله والناس الف حساب
زوجي مايطلعنا نتمشى ولازم اقعد اترجاه يطلعنا واذا طلعنا وماله نيه نكد علينا جلستنا وصار يحطنا ويروح لانه مايحب الطلعات
كان عندي هوايه احبها وكان نفسي اسوي مشروع واحقق حلمي فيه وافرغ هوايتي فيها احرمني منها ومنعني قال تربيه الأولاد أولى وانا باكلك واشربك
زوجي مو اب، الابوه عنده صفر مايعرف يتعامل مع أولاده ولدي الكبير ماهو زي اقرانه يعاني من مشاكل كثيره نشأ ضعيف شخصيه وخايف وماله ثقه في نفسه ودايم يشوف نفسه اقل من اقرانه بسبب ابوه واجداده والمشاكل اللي كنا فيها زمان الله لايسامحهم
امه وابوه يكرهوني ويكرهون امي وابويه وانا اكرهم بس جلستنا مع بعض مجامله وبالذات مني انا لان ابغى عيالي يعيشون في بيئه صحيه بعيده عن المشاكل
اهل زوجي مستفزين جلستي معاهم فيها استحقار لي ولأهلي وتقليل من شاني وفوق هاذا هم قرايبنا وقطعو علاقتهم مع اهلي ومع ناس كثيرين من أقاربهم بسبب سوء الظن
ماياكلون من اكلي ولايدخلون بيتي على قولتهم انا سحاره وامي سحاره وخوات زوجي يخافون على نفسهم وبالذات المتزوجات واللي في سن زواج لاخرب عليهم حياتهم بالسحر
زوجي يدري اني مظلومه وعانيت معه ومع اهله كثير بس مانصرني
خلاني وسط المشاكل وانا صبرت لأنهم كانو ناووين يزوجون زوجي او يحرموني من أولادي ويأخذون هم عليه ويربونهم على قولتهم ماعرف اربي عق دو ولدي الكبير وذلحين في الثانوي لايعرف يتكلم زين وثقته بنفسه مهزوزه بسببهم الله لايسامحهم
ماتهنيت بشهر العسل زي البنات ولاخرجني من البيت ولافرحت بولاداتي بعيالي زي الحريم ولاعندي جارات اروح لهم ويجوني لان الجارات لام زوجي
ماعمري جلست مع احد من جاراتها او في زواج أو مع أي أحد وانا مرغوب فيه بسبب الإشاعات اللي طلعتها ام زوجي وبناتها عني والناس مصدقينهم لاني اجنبيه من قريه ثانيه ومع ذلك نحن قرايب
اخو زوجي تزوج، ومحترم زوجته ومعززها ولا يخلي احد يقلل من شأنها استأجر لها برى عن بيت اهله وأهله محترمينها من احترام زوجها لها عكس زوجي اللي ماقدر حتى اسولف معه قدامهم دايم يهاوشني قدام اهله ومسوي نفسه رجال ومفرحهم فيه
زوجي ماهو مهتم باولاده ولا مهتم بمستقبلهم ولاحتى يناقشهم ولايسالهم عن دراستهم مشغول بحياته لمى يكون اي واحد من عيالي عنده مشكله ماقدر اناقشها معه يعصب ويهاوش وانتي وانتي ماعمره سأل عن ولدي الكبير في المدرسه ولايدري َعنه
حياتي متوقفه بسببه ابغى اعيش واعيش عيالي وابغاهم يحسون بالدنيا
ابغى ادخلهم دورات تحسينيه تحسن من مستواهم
ابغى اشتغل الشغل الي احبه وافرغ طاقتي وهوايتي فيها
ابغى يكون عندي جارات احبهم ويحبوني اجيهم ويجوني واجلس معاهم عادي ونفوسنا صافيه لبعض
نفسي اروح المستوصف أصلح اسناني كلها
نفسي ابني ثقت ولدي بنفسه واغير من شخصيته
نفسي استرجع ذاتي وبثقتي بنفسي
نفسي أوقف عن التفكير واريح راسي
نفسي اتخلص من التوتر
كله هاذا ماراح يتحقق الا اذا تطلقت
ايش رايكم اطلب الطلاق والا اصبر
وايش حقوقي وحقوق عيالي بعد الطلاق

40 تعليق 8,846 مشاهدة

شاركي في النقاش

سجلي الدخول لإضافة تعليق.

التعليقات

38
  1. @roana_3

    ربي يفرج همك اللي اقدر اقوله لك ادعي اللهم اني وكلتك امري فأنت خير وكيل فدبر لي امري فاني لا أحسن التدبير وادعي بدعاء الاستخارة أذا كان بقائك معه فيه خير لك انه يصلحه لك ويهديه وإذا فيها شر لك انه يصرفه عنك
  2. @am_fofy_alhlo

    لو هذا وضعي تطلقت فورا وبدون تردد
    حقوقك تطلبين نفقه وبيت لك ولعيالك تربينهم فيه مو تربينهم في بيت اهلك هذا بيزيد وضعكم سوء
    انصحك تتوظفين ومن الحين دوري لك وظيفه وشقه كويسه يستاجرها لكم
    خلييك قوويه في المواجهه وصممي على موقفك والله يوفقك
  3. @faith_5

    والله صعب نقولك تطلقي..
    لازم القرار يكون نابع من جوا وتنفذيه وانت مقتنعه فيه تمام الثقه..


    اول شي انصحك بالاستخاره والأكثار من الدعاء في هذي الايام الفضيله واطلبي الله يختارك الأصلح..


    ناقشي هالموضوع مع مستشاره اسريه او شخص قريب منك تثقين فيه..


    حطي الإيجابيات والسلبيات وشوفي الأفضل لك ولاولادك..
    وخصوصا اطفالك..
    شوفي للأفضل لهم والوضع اللي ممكن يجعلهم افضل..


    حقوقك استشيري فيها أحد قانوني بس لاتشيلين هم الحضانه بإذن الله يكونون لك..


    فكري بالماده وكيف ممكن تصرفين عليهم وتدبرين نفسك..


    اسأل الله ان يكتبلك الخير ويفرج همك انت واولادك يارب..

تابعي تجارب أخرى من هذا القسم.