التجمع الحادي عشر لحوامل يناير {1} وفبراير{2} لعام {2021}🤰🏻.

المشكله انها اخت امي الكبيره وامي اصغر وحده تستحي تقولها
صادقين بنات حسيتو فيني يعني الوحده طالعه من موووت وتجلس ترضي فلانه وعلانه
ماحفظت اسمائكم بنات بس الي تقول ماتستقبل ضيوف والله احسسسن لك واريح بصراحه
بس انا وش الفايده ماراح استقبل بس خالتي عن ١٠٠ ضيف استغفر الله
والله قبل الحمل دايم انزل لهم اكل واحسبهم معنا في الغداء
بس يوم صرت تعبانه ولايوم حسبتنا مع اني ساكنه فوقهم
صرت اقول لامي بنمرك ناخذ غدا وتحسبنا لان فترة الوحام لدرجة مادخل المطبخ من كرهي له
الحمدلله عدت بس الانسان يبين ع حقيقته في هالاوقات
وزوجي مستحييييل يكلم امه ويقول لاتجين زوجتي تعبانه لان يشوف امه مو غلطانه ومعاها حق تسهر للفجر اهوو يروح ينام وانا ابتلش
وبالنسبه لموضوع الفرق بين الاطفال
انا بين بنتي وولدي ٤ سنوات والحين حامل وولدي عمره اذا ولدت ان شالله سنتين و١٠ شهور
احس حلو كذا
بس بين بنتي وولدي ٤ سنوات احس فرق كثير وندمت اني ماحملت قبل

ليش كلامي الحروف جنب بعضها ههههههههه

بنات احس اني متضايقه ومتوترة 😭
بكره بنتي عندها موعد اسنان سحب عَصب
💔 مررره خايفه عليها تتالم او تتعب احس كان حجره في قلبي من الضيق
يااارب سهل وخفف عليها يارب😭💔

خير معاك توأم ويبغونك تحملين بسرعه من جدهم !
زميلتي بالمكتب معاها توأم بنات ما حملت الا بعد ماصار اعمارهم ١٠ سنوات تخيلتي
وتقول بعد ودي اجلس بس كبروا ولا احد لامها ولا قالوا ولا شي الحين الطفل الواحد يجلسون ٥ سنوات عاد ما بالك بتوأم

الله يعينك مشكله انها ام زوجك وخالتك بنفس الوقت
يعني كذا كذا تتجيك ببيتك والا ببيت امك
فما لك الا تتحملين وخاصه انه زوجك يشوف انه معها حق
بس خلاص اذا تتشرط خلي زوجك يلبي طلباتها الاكل من المطعم يقول لها وش تبغين للعشاء
والحلا والمالح من الاساس فرزني الحلا اللي تقدرين عليه والمالح صينية فطاير ووورق عنب
اهم شي كل شي من برى عشان زوجك يحس فيك
جهزي قهوتك وشاهيك من العصر حطيها بترامز والمويه بصينية عندك