صله الرحم

السلام عليكم
اخواتي حبيت اقول لكم مشكلتي مع عماتي وابغى الحل او على الاقل ايش هو الصح
في البدايه بدت المشاكل وانا ف سن صغير يعني من كان فيه مشكله بين امي وخالتي الله يرحمها مع عماتي من ضمن الاشياء اللي كانت تصير انه امي لما تدخل بيت اهل ابوي تسمع عماتي يتكلمن في اختها ومن ذا الكلام وخالتي ماتت وغيرها من الامور ذي على رغم اللي شافته خالتي منهن الا انها كانت ما تقصر حتى ف الاعياد ترسل لهن الاكل او اي شي تسويه او تشتريه تاخذهن معها بس قبل عن تموت تعقد الوضع وصار زعل ومن ذا الكلام
يعني عالم من الغيبه والنميمه وغيرها من ذي السوالف
بعدها تحولت المشكله مع امي واعتقد الكل يعرف المشاكل اللي تصير بين حرمة الولد وحماتها وحن كنا صغار بس مثلا لما وحده من عماتي تسوي حفله عيدميلاد لولدها احن ما ننعزم مع انه اعمارنا ذاك الوقت ١٠ و١١ سنه
كبرنا وصرنا ناخذ ونعطي عندهن نزورهن ونسولف ونمشي الامور عادي مع انه كل سنه جدتي الله يهديها ترمي نغزاتها على امي وكذا واحيانا تعاملها بطريقه خايسه
الا ان صار موضوع اختي الثانيه خطبها ولد عمتي واهي ف المدرسه بعدها تخرجت وما طلع لها مكان تدرس وصارت سوالف وجات جدتي ف بيتنا تهدد ابوي انه بتتبرا منه اذا ما زوج اختي لولد عمتي وانتوا كذابين عطيتونا كلمه والحين غيرتوها واختي من درت بالموضوع يمكن من يومين يعني حتى تفكير ما فكرت ما مداها بس هي كانت رافضه بعدها كتب الله نصيب وتزوجته وامورها طيبه وف العرس ما كانن يساعدن باي شي فقط جالسات وما تحركن
بعد ذي السالفه والكلام اللي سمعته من جدتي اللي ماكان ينقال وقلنا انها حرمه كببره وبرايها العلاقه ما رجعت مثل قبل نهائيا تجي الاعياد فقط نروح بيت جدتي نسلم عليها ونرجع اما عماتي من قبل احن ما كنا نروح بيتهن كنا نجتمع ف بيت جدتي طبعا ابوي اخوهن الكبير صرف عليهن ورباهن وكبرهن لانه جدي ميت كان ف العيد اذا ما شافن ابوي ما كانن يجنه او يسلمن عليه سلام العيد لما احنا بنات اخوهن نروح بيت جدتي نشوف الكره ف عيونهن احنا نجلس هنه يقومن او يدخلن داخل اقسسم بالله نظرات الكره ف عيونهن الكل ف الحاره او اللي يعرفنا صار ملاحظ وعارف بكرهنن اخرتها ابوي سوا عمليه الطهر ف ايران محد منهن جا يزوره ولا وحده من خواته وكان يضايق حتى عيد الفطر هذا كان يقول ربيت وتعبت وفي النهايه حتى اتصال او زياره ما القى
الحين انا قللت زيارتي بين جدتي واحيانا تفصل علينا وتزعل ومرات ترضى صرت ما احب اروح ناس احسهم يكرهوني من قلب ولعدين كثير يجتمعوا عيالهم وازواج عماتي وازواج بناتهم ف بيت جدتي وهو صغير فما احب اقعد معهم بس ازورها واذا سولفن عماتي اسولف معهن يمكن وحده منهن فقط تسولف وكذا
ف ايش الصح تستمر علاقاتي معاهن بذا الشكل فقط كلام يمكن ماشفتهن من شهور طويله وابوي بعد اللي شافه منهن ما صار يهتم اذا زرناهن او لا اختي ربت ما جن يزورنها فانا قلت استمر ازور جدتي بين فتره والثانيه وهنه اذا لقيتهن بيت جدتي اقعد واسلم لانهن ما يجلسن معنا اذا وكذا تكون علاقتنا لانه احس ما همهن ما اي حد يسوي لهن قبل لما كنا نجلس بيت جدتي معاهن والله كان حش ف الناس وبعد فتره يصير العيب او الشي اللي تكلمن عنه فيهن وفي داخلي الله يسامح الجميع