هذا وهي سنه بس..!

اولا توك عروس وصغيره لاتدورين على الهم
ثانيا اتوقع والله اعلم انه عندك تكيسات او هرمون حليب مرتفع وهذي اكثر الاسباب اللي تأخر الحمل بداية الزواج وعلاجها بسيط
فالافضل تسوين تحاليل هرمونات شامله وسونار للرحم والمبايض
وعلى فكره ترا التفكير السلبي والنفسية السيئة ترفع هرمون الحليب وارتفاعه يأخر الحمل


انتي لو مقتنعة ان وضعك طبيعي مانزلتي موضوعك بقسم تأخر الحمل.. تم النقل

أهم شي النفسيه لها دور كبير
بقولك من تجربه مريت فيها
بعد حملي الاول تأخرت ماحملت وبديت اراجع صرفت شي كثير بالتحاليل
قالوا تكيسات وقالوا هرمونات متلخبطه والبويضات حجمها صغير مستحيل يصير حمل ودكتوره استشاريه سعوديه معروفه الله يسامحها قالت عادي احتمال جاك عقم ثانوي فيه ناس تنجب طفل وتوقف ماأنسى ذاك اليوم طلعت منها والدنيا سوداء بوجهي
قلت بترك الطب خلاص بتجه للطبيعه
صرت ثالث يوم من الدوره اجيب كاس احط فيه ملعقه ميراميه وملعقة بردقوش وعليها مويه مغليه واغطيها ربع ساعه واستمر عليه عشر ايام وأوقف
اشربه مرتين كاس الصبح وكاس بالليل
وفيه كبسولات ترفع هرمونات الأنوثه مكونه من حبوب اللقاح واشياء طبيعيه تلاقينها بالصيدليه
شريت علبه وصرت كل صبح اخذ حبه وحده
والحمد لله من فضل ربي حملت
وأهم شي الدعاء ألحي على الله بالدعاء خاصه أيام العشر الدعوات فيها بإذن الله مستجابه
الله يفرح قلبك ويرزقك بالذريه الطيبه الصالحة
زبدة الكلام ابدأي بالدعاء وبالطبيعه خلي الطب آخر شي وحاولي ماتفكرين بالحمل استبعدي فكرة الحمل قولي لنفسك بعد ست شهور ممكن يصير حمل إن شاء الله عشان عقلك الباطن يوقف تفكير


الكبسولات اسمها رويال جيلي مفعولها يجنن
نصحت فيها صديقتي قبل فترة متأخره وتشكي لي وعلمتها عن تجربتي جتني بعد شهر تقول تخيلي البويضه كان حجمها 8 وبعد استخدام الكبسولات صارت 20
الله يكتب لها ولك الحمل السليم المعافى❤️

اللحين اغلب البنات اللي يتزوجون هالفتره مايحملون الا بعد سنه او سنه وشوي بإرادتهم

يبغوون يستمتعون بحياتهم


انتي اذا اي احد سألك لا تقولين لهم نحاول قولي لهم مو مستعجلين احنا متفقين

بس عشان لايزيد الضغط عليك

انتي تفكرين وهم يتكلمون


انا من البنات اللي جلست سنه وقلت بعد السنه بحمل

ولاحملت

مرت ٤ شهور ولا حملت

رحت عند الدكتوره فقط عشان اتطمن

خرجت من عندها وهي تبشرني بالحمل هههههههههه
حللت تحليل هرموني بجرب وطلعت حامل


شيلي الفكره من بالك اطلعي تمشي وانبسطي

وفجأه بتلاقين نفسك حامل



وفي يوم عرفه ادعي وربي بإذن الله يستجيب لك

الله يكتب لك الحمل ويفرح قلبك

يمكن عندك وقت فراغ كبير
اشغلي وقتك بشيء تحبينه .. ادرسي وشوفي هواياتك اللي تحبينها والعيال بيجون بعدين بإذن الله لا تستعجلين ..
حلو تروحين طبيبة شاطرة وتتطمنين على نفسك ونفس الشيء زوجك يفحص معك
إذا أموركم تمام لا تفكرين بالموضوع
واستمتعي بحياتك قبل يجونك الأطفال ويربطونك ما تروحين وتجين وتسهرين معهم ولا تنومين على كيفك 😁 وتفائلي بالخير دايم

الله يرزقك بالحمل العاجل يارب
توك صفيرة ومالك الا سنة
الله يفرح قلبك