وش أهمية الفلوس بالنسبة لك؟!

لان من اول الشاب يبي مهر وسيارة وبيت وهذا اصلا من وظيفته
مايتزوج الا اذا توظف ..

لكن البنات صرفهن دايم اعلى من قبل بحكم تنوع اللبس والزينة والمكياج والشنط والجزم والاساور ووو
لكن الحين زاد عيادات التجميل وعيادات الاسنان
صارت اولوية .. وانتي عارفه كم اسعار العيادات !!

كل شي صار مرهق بسبب الاهتمامات المادية ..

وبعض البنات ماترحم ابوها بس تطلب او تزعل ماتطلع العزايم فيضطر ابوها المسكين يتدين عشان بنته ..

اي والله هذا يحرج الناس كلن تقول فشله وش اهدي فالي مامعه بينسحب ومابيحضر والمشكله يتشرهون ويزعلون

المال والصحة عصب الحياة

رب العالمين وش يقول سبحانه ؟ المال والبنون زينة الحياة الدنيا


ما نقول اهم شيء .. يعني مو تخسرين زوجك الفقير الطيب عشان الفلوس ... لكنها زينة و كذاب الي يقول ما نبي نصير ميسورين وكمالياتنا متوفرة و ندلل نفسنـا


محد زاهد ترى بزينة الحياة .. بس اتفق معك بنقطة وحدة وهي التكلف حتى بالمسايير البسيطة . و طريقة الإهداء الحين لازم تغليف فخم وو


أما الوظيفة فهي زود على الراتب تعطيك شعور بالأمان من تقلبات زوجك و حياتك ، البشر متقلبين ، لكن الوظيفة ارسمية ما تطردك أبداً


أما مصاريف البنات ترى تهون عند سيارات الشباب ، و الدراسة اذا ما انقبل بحكومي ، و الابتعاث اذا احتاج ، ثم المهر ثم الشبكة ثم حفل الزواج اذا على العريس ... مصاريفهم مصيبة ترى


ولحد يقول حتى البنت تشتري سيارة ... ما بعد وصلنا هالمرحلة ان السيارة الزامية من سن مبكر للبنت ، نفس الشاب . تونـا عليها

بلياردير إيطالي سألوه بمقابله معه ببرنامج تلفزيوني
إش يعنيلك أنك غنيييي ...؟ فأجابهم
أحس نفسي غني وبنعمه لما أمرض وألاقي نفسي قادر أعالج بأكبر العيادات الخاصه والفخمه والمتطوره بالعالم كله وأدفع وما أفكر بحق العلاج
الباقي الفلوس ما تشتري السعاده