وتقولون ليه نحب الاولاد اكثر

تخيلي بهذي اللحظه قال الله لكلامك ( كن )
ايش هو شعورك وانتي تحملين وتولدين انثى ثم تجي الـ ( كن ) وتحرك الاحداث بحياتك وترسل لك الاسباب والظروف عشان يتحقق طلبك بإنك تتبرعين بطفلتك لدار الفتيات
والله وحده يعلم مقدار الألم اللي يترتب عليه وحجم الاسباب اللي ربما تكون على هيئة فضيحه او مصيبه على أثرها ترسل بنتك لدار الفتيات

استغفري وتوبي الى الله
لا تجعلين الغضب اللي بداخلك على الظروف والمجتمع يوصلك لطريق نكران النعمه والسخط وتمني الشر
الله يهديك ويصلح بالك

كويس يعني ما تتبرع فيهم للايتام

الله يرزقك ؤيرزقني ؤيرزق كل مشتهي بالولد الصالح يااا رب يااا اكرم الكارمين ..
امانه ادعولي اني احمل الشهر هاض لعل دعوه بظهر الغيب تستجاب ❤

ما ألوم بعض البنات يوم يهاجمون بنات جنسهم ويقولون انهم يقدسون الذكور وعبدات الذكور
اللي اشوفه ناس جالسين يخترعون اعذار وحجج للتبرير
وكأن الذكر اذا ما انوجد بالعائله خلاص الحياة تتوقف وتنتهي !
امرأه تحمل 9 شهور وتشق جسمها عشان يطلع من رحمها روح انسان
ثم تسهر عليه تداريه وتربيه وتهتم فيه مع اهتمامها بأسرتها كامله
ثم تجي تقول انا ضعيفه مسكينه ما اقدر احمي نفسي ولا ادافع عن نفسي لازم ذكر يحميني ويدافع عني !!!
لو احد يقول هذا الكلام قبل 5 سنوات كنا تعاطفنا معاها لان الظروف وطبيعة الحياة الاجتماعية تحتم وجود ذكر
لكن اليوم في ظروف واقعنا ومجتمعنا والتطورات والخدمات والسعه والتسهيلات اللي احنا فيها ابداً ما تستدعي اننا نجلد انفسنا
من حق اي انسان يتمنى خلفة الذكر او الانثى لكن بدون انتقاص من الطرف الاخر او جلد الذات
الله ماخلقك ناقصه ولا خلق الجنس الاخر كامل فيه زياده عنك
ياما ناس خلفتهم مليانه ذكور جابوا لهم الهم والغم وحياتهم نصها ملاحق وراهم من سجن لسجن ومن قضيه لقضيه
ادعوا بصلاح الذرية والهدايه والستر بدال ما تسون احزاب وحرب مين افضل الذكر ولا الانثى

اكيد الذكر مو زي الانثى
مثل ماقال الله تعالى (( ليس الذكر كالانثى ))
بحاجات كثيره منها الصبر والتحمل والقوه وووو...
بس مو معناته انه افضل من الانثى
كثير اناث عن الف رجل ..
والله رزقك ببنات وهو اعلم من نفسك بك وهذا قدرك وخير لك لو يعلم ان الذكور خير لك كان رزقك بذكور لكن حكمة الله فوق كل شي ..
الانسان يحمد ربه على مارزقه
واي وحده تفضل جنس على جنس تعذرني هذي ناقصه ..
الذكر والانثى كلهم مكملين لبعض ولكل واحد منهم مميزات مهي موجوده بغيره ..


فلك الحمد والشكر يارب على مارزقتنا..


قوله تعالى : ( والذبن يقولون ربنا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ )
المقصود : من يعمل لك بالطاعة فتقرّ بهم أعيننا في الدنيا والآخرة .. لم يحدد انثى او ذكر ..

ادعي ربك دائما بالذريه الصالحه المتعافيه ولاتسخطي من رزقك
فالدعاء يعمل المعجزات