🎈🎉 تباشير الخير ال 28 لمواليد يوليو 7 واغسطس 8 لعام 2020 🎉🎈

مااخذ مضاد الحين والحمدلله مافيني امساك
لان صرفت لي ملين بعد الولاده
🤦🏾‍♀️اذا ماخفت بجرب المره

ياعمررري الف الف الف مبروووك 😍💃🏼💃🏼💃🏼
وربي قلقانه عليك
الحمدلله ع سلامتك وسلامه البنوته ياقلبي👏🏼👏🏼

تشقق الحلمات لازم توقفي رضاعة وتعالجي بمرهم وزيت الزيتون وبعد ٤ ايام ترضعين من جديد انا سويت كذا مع بنتي شربتها حليب ابو قوس هههه
٤ ايام بس والحمدلله ماصار اي شي بس تعبت نفسيا لأني مو قادرة ارضعها والحين أتألم برضو شوي لمن ترضع لكن مو زي اول كان مووووت ودم 😩 أما ربط البطن ما تحملته والله يومين وفكيته وقاعدة اسوي تمارين للبطن يارب تجيب نتيجة مع هالترهل الأكل ف البداية ما كان لي نفس اما الحين شهيتي مفتوحة مااارة صرت اسوي حلى وأكله زي الهبلة ورز وكل شي اشوفه قدامي

ام اطفال انتي ولدتي عند مها خميس ؟
اذا ولدتي عندها تنصحيني فيها؟

ايوا عندها انصحك وبقووووة
بس ما تجيك من البداية يعني البداية مع الممرضات الين يفتح معاك الرحم ٩ أو ١٠ تدخل عليك وع الكرسي تجلس علطول قدامك وتشوف كم فاتح وتفتح الموية ودفي دفي لين يطلع البيبي وعلى فكرة تعطيك كمام وف المغذي تحط مسكن مرررة ريحوووني والله وحطت لي شي بارد قبل لا تفقع الموية حسيته المكان تبنج شوي والله راااحة معاها حنووونة وتجاوب وتسمي الله لمن تبدأ وتهدئك وتسألك يعني ترتاحي معاها عالاخر
ونظفتني وانا صح احس لكن مع الكمام زي السكرانة هههه وسألتني قبل ما تولدني ابغى خياطة أو لا عشان تبغى تشق قلت لا قالت افضل و ما شقتني ولا انشق والحمدلله طمنتني وقالت ما احتاج خياطة اخر شي دخلت اصبعها على الشرج وقالت كله تمام الحمدلله وحمدت لي بالسلامة ومسحت على رأسي وانا مسكتها وانا سكرانة هههه وشكرتها وراحت صح وقالت لهم حطوا لها البيبي على صدرها وحطوا لي وشفتها اجمل لحظة بحياتي والله

ادعي لها الدكتورة كل ما ااتذكرها الله يوفقنا دنيا وآخرة
واي استفسار انا حاضرة