لو تعرضتي لنفس موقفي؟؟

مرحبا بنات
بادخل في الموضوع ويا ليت تقوليلي رأيكم
انا زوجه ثانيه
قبل فترة زوجي تزوج الثالثه وقبل ما يتزوج اخذ رأيي ووافقت لاني ما احمل 😞 وهو اصلا كان زواجه مني بسبب انه يبغى اطفال
المهم ان زوجي طلب مني استقبل زوجته في بيت اهله لانهم بيسوون استقبال بسيط نفس الاستقبال اللي سووه لي لما تزوجت
الا واتفاجئ ان اخواته وقريباته لابسين وكاشخين ومكياج وتسريحات وجابوا مكبر الصوت واستقبلوا العروسه بالزغاريد و ورقصوا
وتشوفونهم مبسوطات وفي زواجي والله تقولون عزاء جالسات يناظروني ولا رقصوا ولا لبسوا حتى استغربت لبسهم عادي وبعضهم ماهيحاطه مكياج واستقبلوني بهدوء ولا زغاريد ولاشيء انا وقتها عادي ما اهتميت قلت يمكن طبعهم كذا وافراحهم كذا
حتى ان الرجال قالوا قصروا هالمسجل قامت ام زوجي زعلت وشالت السماعه وقفلت عليها تدرون وش سووا اخذوا قدر ويدقون ويرقصونانواع الهبال ولا راعوا مشاعرنا انا وضرتي
وش رايكم في تصرفهم ولو وحده منكم صارلها نفس الموقف وش تسوي

37 تعليق 7,330 مشاهدة

شاركي في النقاش

سجلي الدخول لإضافة تعليق.

التعليقات

37
  1. @amnty

    موقف يزعل
    الله يجبر خاطرك
    ويبرد على قلبك
    متعب جدا تكوني زوجة ثانية
    لكن تقدرين بقوتك وذكائك تعدي كثير أمور ومواقف
    كل موقف يضايقك اعتبري نفسك ما شفتي ولا عشتيه
    والله لو وقفتي على كل موقف وضايقتي قليبك
    ما حد بيتعب غيرك
    بتقضينها نكد في نكد
    ارتاحي وعيشي كأنك وحيدة زوجك
    إن كان يومك عيشيه بتفاصيله معه
    وإن راح لهن اهتمي بنفسك ودلعي عمرك
    ريحي نفسيتك وانسيه وانسيهن
    ربي يسعدك ويرزقك ما تتمنين
  2. @amany_alkhtany_1

    ماكان له داعي تروحين
    هم استقبلوهاا احسن استقبااال
    لكن تبي الحق الغلط عليك
    المفروض ماتروحي حتى لو زن زوجك
    قولي انا من طريق وهي من طريق
    لا تشوفني ولا اشوفها.

تابعي تجارب أخرى من هذا القسم.