🦦🦦التجمع الـ٧٩ لمواليد سبتمبر & اكتوبر لــــــ ٢٠٢٠ــــعام 🦦🦦

انا م اتابع الا اخواتي وصديقاتي فقط

ياسمين ماشاء الله لاقوه الا بالله الله يكتب لنا ولاده ميسره أجمعين انا شاده حيلي من الثامن ادري اخلص التاسع كله بس انا متفائله

طيب كيف م تخافين يشرق لا قدر الله أو يصير شي وهو لحاله انا ودي كذا بس م اعرف كيف بيكون الوضع ، ولو صحى بنص النوم كل شوي بتقومين لغرفته؟

النومة الاساسية دايم الطفل يناااام طويل مايقطع نومه
خصوصا بعد الاربعين يكون نومه استقر
وانا نومي ليل مو من الناس الي تسهر
فنومنا يكون مع بعض

وغالبا الحوسة والشرقة والمغص تكون في النفاس
بعد الاربعين يتغير الوضع

انت جربي التجربة اكبر برهان
ترا بكري اول ماطلعته كنت خايفة وبس افزز بنومي
عقب شفت الوضع افضل واسهل
من تطليع الطفل عقب مايتعلق بامه هنا مرة صعب

وترا انا زوجي ابد ماحط مجال ان الطفل ينام معانا
مو مسئلة مايبي ازعاج لا الله يجزاه خير احيانا اذا سمع الطفل يبكي يقول ويروح له قبلي
بس رافض الفكرة من البداية
وانا استسلمت للامر ثم شفت ان الوضع سهل وافضل لاسباب كثيرة 👍🏻
واعتبرها من افضل الاشياء الي سويتها