رايكم هل اطلق تعبت ماعاد اتحمل

انا من تزوجت كل يومين وانا وزوجي مشاكل صار لنا سنتين ونص متزوجين ونفسي لو اسبوع يمر بسلام المشكلة ان هو الشخص الوحيد اللي دايم انا وياة مشاكل وهذا اكبر دليل ان المشكلة فية مو في كل مافي القصة
هو إنسان نكدددي بقوة يدور المشاكل دوارة
يدور المشاكل بالمرصاد ويجلس يهاوش ثلاث ايام على نفس السالفة وليتها تستاهل ولجادلتة يزيد ولسكتت ينقهر اكثر ويجلس يلعني ويسب ويتفل يقول لية تتجاهليني يعني بكلا الحالتين ماني سالمة والمشكلة الأكبر انة يعيش دور المظلوم ويجلس يهاوش ويدعي على ويصلي ويدعى بسجودة على ولقت خلاص طلقني اذا انت لهدرجة مو طايقني يقول لا انا احبك والطلاق والله ماتشوفية والله من تزوجت وراحة ماعرفتها معة
بس يقول احبك وهو مجنن فية غثني غث
اذا مر اسبوع بسلام استغرب منة وكل مشاكلة تافهة
جدا يعني لو امزح معة يعصب ولو امدح اي احد يعصب
ولو امرض يجلس يتافف ويقول انتي مافيكي خير وانا أكرف وانظف الا وقت المرض غصب ماقدر اسوي شي
شخصيتة عنيد جدا وعلى غلط ويجلس يهاوش على الزلة ومايسكت نفس السالفة يهاوش عليها كم يوم
ولايعترف بخطاة ابدا ولااذكر اعتذر لي انا اعتذر لة
اذكر مرة تكلم على وسبني عشان قلت لة انت ماتستحي ٢٤ ساعة بس تدور مشاكل ويقوم يظربني على راسي بس مو بقوة ظرب عادية وزعل بعد وجلست اتعذر منة وهو الغلطان ولقلت لية تمد ايدك يقول توك ماشفتي شي اسفة كثرت الكلام من القهر مادري ايش الحل
معة حتى لو تطلقت عندي اهلي ولااهتمو بالموظوع حتى لو قلت لهم يمد يدة يسكتون يقولو اصبري وهم بعيد مو نفس الرياض انا بالرياض وهم بجدة عايشين
يعني حتى اجيهم مرة بشهر عشان المسافة ولايبون يدخلون فية حتى يوم اكلم الوالد يقول تنازلي واصبري