صباحكم نشاط الاربعينيات يدخلون

كملي
الله يعينك

ودي اكمل القصه تصير بصفحه واحده بس ماعرف كيف😕

صباح الخير بنات بكلمكم قصتي 😙صراحه ودي اقولكم تفاصيل كثيييير بس احس بتملوون فبحاول اختصر 😊
1️⃣ المهم بنات مالكم بالطويله قررت اني اجيب عيالي وفكرت وخططت ونفذت وكنت متوكله على الله انه معي بكل خطوه اخطيها مرت الايام وكملت نص ترم في الجامعه عند اهلي وكنت شاطره ومجتهده ونجحت وبعدين جاء العيد وكان العيد عند كل الناس الا انا ماكنت احس بالعيد كنت احس اني ضايعه بدون عيالي كانو يجوني زيارات كل اسبوعين ومرات كل شهر وكنت اتواصل معهم
بالجوال بدون علم ابوهم كان مانعني اكلمهم يبي يضغط علي عشان ارجع لكن هيهات هيهات ارجع المهم جوني بالعيد جلسوا معي وكانو بس يحضنوني ونسولف ونضحك وهم رايحين اتفقت معهم لو ضربهم او عنفهم يصورون لي اثار الضرب ويهربون من البيت وكنت راسمه معهم خطه للهروب من الجحيم اللي هم فيه راحو بيتهم طبعا كنت تطلقت منهم قبل هالكلام طلقني بالجوال طلقه واحده والله انه كان عيد ذاك اليوم مع اني بكيت لاني حزنت اني فشلت في زواجي وانا واحده اكره الفشل 😎المهم راحو عيالي البيت وهم راجعين شم ريحة عطر في البنات طبعا العطر كان عطري لصق في ملابسهم لما حضنوني وجن جنونه يابنات ليش تحطون عطر انت زانيه امك حقيره ووووو كلام كثير وصخ وضربهم ضرب صار في اثار بجسمهم هنا وهو يضربهم دقيت عليهم جوال وقالو لي ماراح نزورك خلاص ماعاد بنشوفك وابوهم يهدد اسمعه والله يابنات النفسيه كانت دمار ورعب حسيت الدم نشف في عروقي قلت لاخوي بروح اجيب الشرطه وكذا بس مارضوا قالو لي عياله هو حر طبعا بنات هالكلام قبل 7سنوات قبل لا يتغير الوضع ونصير كذا في عصر سلمان المهم بعد ماهدوا البنات كلموني اتفقنا انهم يهربون اول ماينام ابوهم وكنت انا معاهم خطوه بخطوه وكنت مخططه اش بنقول لابوي لانه كان رافض اخذهم جوني وعلى طول رحت معاهم الشرطه وقدمنا بلاغ عنف ورحنا سوينا تقرير طبي بالعنف والله يابنات كنا خايفيين مرررره وفجاه شفنا طليقي بالشارع بسيارته يدور عليهم في الشارع وشافوه اولادي وينزلون راسهم يتخبون كاننا فلم اكشن المهم رجعنا بيت اهلي وابوي تقبل الموضوع يوم شاف اثار الضرب وقال هذا مجنون ودعمني انا وعيالي ووقف معانا طبعا سجنوا طليقي يومين وجاب كفاله وطلع وتعهد مايضرب العيال وجاء ياخذهم ورفضنا وكل يوم يجي يهدد ويتوعد رفعت عليه قضيه بالمحكمه وكنت اعاني طول هالفتره المحاكم سالفتها طويله ومواعيدها اطول وطول هالفتره احتاج مصروف كنت على الضمان ولا اقدر اتوظف لانه التامين يقطع الضمان وشهادتي ثانويه اذا جامعين ماتوظفوا طبعا هذيك الايام مو مثل الحين المهم كنت اخذ مكافاة بنتي على الضمان وابوي يوفر لنا الاكل بس بنات ماينفع لازم وظيفه رحت توظفت في كافتيريا بالجامعه بس ماطولت لانه بعد ثلاث شهور بيسجلون اسمي بالتامينات فبطلت وكان متعب بعدين رحت في مدرسه وقلت ابي اتوظف في المقصف وفعلا توظفت وكان عادي يقبلون ومايطلبون اكون بالتامينات وكنت اخذ2000 على الضمان 1000 ومكافأة بنتي 800 والله يابنات ماكانت تكفي قبل نص الشهر افلس تخيلوا ادفع للسواقين واحتياجاتنا المهم وكنت اكمل دراسه بنفس الوقت اطلع 2 الظهر وبنتي معاي واروح اسوي غداء وانظف وانتظر بناتي واولادي يجون ويتغدون وننظف بعدين اروح افتح اللاب توب واحضر المحاضرات واختبر والله تعب مليووون مرت 2سنتين وانا كذا اشتغل وادرس ومتحمله مسؤولية عيالي ومراهقتهم ومشاكل المرراهقه للبنات والاولاد والله بنات انهد حيلي من الهم والتفكير وكله احسب الفلوس والميزانيه كاني مصريه هههههه 😂 الزبده طبعا طول هالفتره ابوهم ماعطاهم ريال واحد طبعا بعدين كسبت القضيه واخذت عيالي بحضاناتي وصار ينزل لهم نفقه 2500 طبعا هذا كان اول انتصار لي وحققت ثاني هدف بحياتي طبعا كان الهدف الاول طلاقي 🙃تعبت بكمل لكم القصه بعدين🤣احبكم

كملييييي.
انقهرت ع الصغار💔💔

الله ينصرك